पोखरा, नेपाली कांग्रेस कास्की क्षेत्र न. २ को अधिबेशनले बिभिन्न क्लस्टरबाट महाधिबेशन प्रतिनिधि चयन गरेको छ जस अनुसार खस आर्य खुल्ला तर्फको दुईजना केन्द्रीय महाधिबेशन प्रतिनिधि सिटका लागि भएको चुनावमा मदन बस्नेतले २१८ र दामोदर चालिसेले १८१ मत पाएर बिजयी भएका छन भने खस आर्य महिलातर्फको दुई सिटमा कुमारी मुना बास्तोलाले २९२ मत र दुर्गादेवी केसीले १९१ मत पाएर निर्बाचित बनेको छन ।
महिलातर्फको चारजना केन्द्रीय महाधिबेशन प्रतिनिधिमा ९ जनाको बिचमा प्रतिष्पर्धा भएकोमा लक्ष्मी पाण्डेले ३०२ मत. नम्रता बरालले २७७ मत, कोपिला तिवारीले २३४ मत र शारदा गिरीले २२४ मत पाएर विजयी भएका छन । यो पदमा संविधान सभा सदस्य बृन्दादेवी आले मगर लगायतका अन्य महिला नेतृ पराजित बनेका छन।
यसैगरी आदिवासी जनजाति खुल्लातर्फको दुई सिटमा लीलकाजी गुरुङ र बलबहादुर रानामगर (महतगौंडे कान्छा) विजयी भएका छन ।गुरुङले २४५ मत र मगरले १८७ मत पाएको छन।
युवा खुल्लातर्फको दुई सिटमा सौगात थापा र गौरव बराल महाधिवेशन प्रतिनिधि चुनिए । जसअनुसार थापाले २१४ र बरालले १७२ मत प्राप्त गरेका थिए। अपांगतातर्फको एक सिटमा विष्णु सिग्देल विजयी बने । उनले २६६ मत पाएर बिजयी हुँदा उनका प्रतिद्वन्दी राधाकृष्ण गुरुङले २२४ मत मात्र पाएका थिए।
प्रजातान्त्र सेनानी तथा सहिद परिवारतर्फको एक सिटमा गोमाकुमारी कोइराला र शोभाचन्द्र बराल दुवै जनाको बराबर अर्थात १ सय ३५ मत आएकोमा गोलाप्रथा बाट शोभाचन्द्र बराल बिजयी भए। त्यस पदमा ४ जनाको बिचमा प्रतिष्पर्धा भएको थियो ।
मुस्लिमतर्फ अब्दुल मजित मियाले १६१ मत पाएर निर्बाचित हुँदा उनका प्रतिद्वन्दीहरु हारुन खान पैठानले १५० र बिरेन्द्र मण्डलले १४८मतमा चित्त बुझाउनुपरेको थियो। श्रमिकतर्फको एक सिटमा तीनजना प्रतिष्पर्धीलाई पछाडी पार्दै माधवप्रसाद बराल १५३ मत पाएर बिजयी भए । पेसागत तथा बुद्धिजीवीतर्फ १ सिटमा शिरशकुमार बास्तोला २०४ मत सहित विजयी भएका छन् ।
सम्बन्धित समाचार ..
