पोखरा, नेपाली काँग्नेसको भात्री संस्थाको रुपमा रहेको नेपाल लोकतन्त्रबादी आदिबाशी जनजाती महासंघ कास्कीको प्रथम जिल्ला अधिबेशन यही फागुन १९ गते शनिबार पोखरामा हुने भएको छ ।   महासंघको कास्की  जिल्ला समितिको नया नेत्रित्व चयनका लागि अधिबेशन हुन लागेको हो।  यस अगाडी विभिन्न जातीय संस्थाहरुको छुट्टा छुट्टै संघ रहेको भए पनि गत बर्ष नेपाली काँग्रेसको केन्द्रीय समितिले आदिबाशी जनजाती संग सम्बन्धित सबै जातीय संस्थाहरुको महासंघ बनाएको थियो ।

त्यसपछीका दिनमा महासंघको केन्द्रले जिल्ला तदर्थ समिति बनाएर विभिन्न पालिकाहरुको साथै प्रतिनिधिसभा  अन्तरगतका प्रदेश  निर्बाचन क्षेत्र, प्रतिनिधिसभा निर्बाचन क्षेत्रस्तरमा अधिबेशन सम्पन्न भैसकेको छ ।  अब जिल्ला अधिबेशनको तयारीमा महासंघ रहेको छ ।

यही फागुन १९ गते हुने कास्की जिल्ला अधिबेशनको उद्घाटन नेपाली काँग्रेसका केन्द्रीय सदस्य तथा गण्डकी प्रदेशका मुख्यमन्त्री सुरेन्द्र राज पाण्डेले गर्ने कार्यक्रम रहेको छ ।  महासंघका कास्की जिल्ला सचिब रिता गुरुंगका अनुसार अधिबेशनको लागि आबश्यक तयारी करिब पुरा भएको छ ।  कास्की जिल्लामा ३ निर्बाचन क्षेत्र, ४ वटा गाउँपालिका र १ पोखरा महानगरपालिकामा महासंघको अधिबेशन सम्पन्न भएर नया कार्यसमिति समेत चयन भैसकेको छ ।

महासंघ कास्कीका अध्यक्ष आश बहादुर गुरुंगले  दिएको जानकारी अनुसार जिल्ला अधिबेशनमा कास्की जिल्लाका ७२ वार्ड बाट ७ जनाको दरले प्रतिनिधि आउने र करिब ४ सय ८० जना प्रतिनिधि सहभागी हुने छन् ।  अधिबेशनले कार्यसमितिको अध्यक्ष , २ जना उपाध्यक्ष, २ जना सचिब, २ जना सहसचिब र अन्य सदस्य गरि जम्मा २३ जना रहेको नया कार्यसमिति चयन गर्ने छ ।

नया कार्यसमिति को चयन सर्बसम्मत ढंगले गर्ने प्रयास भएको बताइएको छ तर आकान्क्षीहरुको संख्या बढ्ने सम्भावना रहेकोले नेत्रित्व चयनको लागि मतदान हुन सक्ने सम्भावना समेत रहेको कतिपयले बताएका छन्  ।