पोखरा, राजस्व अनुसन्धान विभागले बरामद सय किलो सुन जोख्ने काम अगाडि बढाएको छ । टक्सार महाशाखाका प्रमुख थानेश्वर आचार्यका अनुसार सुन जोख्ने प्रक्रिया अघि बढिसकेको हो ।

राजस्व अनुसन्धान विभागले बरामद गरेको सुन राष्ट्र बैंकको टक्सार महाशाखामा सिलबन्दी गरेर राखिएको थियो । एक सय किलो सुन भन्दै आइए पनि खास बरामद सुन कति छ भन्ने यकिन भइसकेको छैन।

ब्रेक सु प्याकिङसहित जोख्दा १५५ किलो भएको छ। तर त्यसमध्ये सुन कति छ भन्ने छुट्टिएको छैन। करिब सय किलो सुन भएको राजस्वको आँकलन छ । अब यसलाई जोखेर यकिन गर्न लागिएको हो। ‘आजदेखि सुन पकाल्ने काम सुरु हुन्छ। पगालेपछि सुनको के कति हो एकिन गर्न सकिन्छ। त्यसका लागि अहिले छलफलल भइरहेको छ’, आचार्यले संचारकर्मीसँग भनेका छन् ।

एयरपोर्टबाट बाहिर लगिएको सुन राजश्व अनुसन्धानको टोलीले बरामद गरेको थियो । यस घटनामा थुप्रै व्यक्ति पक्राउ परिसकेका छन् । पछिल्लो क्रममा राजश्व अनुसन्धानले यो विषय अनुसन्धानको जिम्मा सीआईवीलाई जिम्मा लगाएको छ ।