पोखरा, कास्कीको पोखरा महानगरपालिका वडा न. २६ कालिकाचोकमा संचालनमा रहेको जलधारे फार्मेसीकी संचालक अमिषा ढुंगानालाई लागु औषधको बेचबिखन एबम कारोबार गरेको अभियोगमा प्रहरीले पक्राउ गरेको छ।
त्यस क्षेत्रमा लागु औषधको ओसार पसार भईरहेको भन्ने सूचनाको आधारमा जिल्ला प्रहरी कार्यालय कास्की र मातहतको इलाका प्रहरी कार्यालय शिशुवाबाट खटिएको प्रहरी टोलीले ढुंगानालाई पक्राउ गरेको हो।
ढुङ्गानाको साथबाट लागुऔषध कोडिन कोडिप-पी ६ हजार ४ सय चक्की, प्रेगाबालिन ४५० चक्की, लोराजेपाम १५० चक्की र क्लोर्डिया जेपोक्साइड १६० चक्की बराफेला बरामद गरेको कास्की प्रहरीले जनाएको छ । ढुंगानालाई लागू औषध सम्बन्धी कसूरमा अनुसन्धान प्रकृया अगाडी बढाइएको प्रहरीको भनाई छ।
६ कार्तिक २०८३, शुक्रबार २१:५४ मा प्रकाशित
