पोखरा, पोखरा महानगरपालिका वडा न. १७ ड्यामसाईडमा जुवातास खेलिरहेको अबस्थामा ११ जनालाई करिब साढे तिन लाख रुपैयासहित प्रहरीले पक्राउ गरेको छ।

उनीहरुलाई ३ लाख ४६ हजार ९६५ रुपैया नगद सहित नियन्त्रणमा लिईएको कास्की जिल्ला प्रहरी कार्यालयका प्रहरी नायब उपरिक्षक एबम कास्की प्रहरीका सूचना अधिकारी हरिबहादुर बस्नेतले जानकारी दिएका छन ।

वडा प्रहरी कार्यालय बैदामबाट खटिएको प्रहरी टोलीले शनिबार साँझ करिब ७.३० बजे उनीहरुलाई १० बुक तास सहित नियन्त्रणमा लिएको कास्की प्रहरीले जनाएको छ।

उनीहरुलाई सार्बजनिक हित, स्वास्थ्य, सुरक्षा, सुबिधा र नैतिकता बिरुद्धको कसुर अन्तर्गत जुवा खेल्न वा सट्टेवाजी गर्न नहुने मुद्दामा जिल्ला प्रशासन कार्यालय कास्कीबाट पांच दिनको म्याद थप गरेर आबश्यक कानुनी कारबाहीको प्रक्रिया अगाडी बढाएको प्रहरीले जनाएको छ ।