पोखरा, केपी शर्माओली नेतृत्वको २२ सदस्यीय मन्त्रिपरिषद्‌ दलित समुदाय बिहिन बन्न पुगेको छ प्रधानमन्त्री केपी ओली, दुई जना उपप्रधानमन्त्री र १९ जना मन्त्री नियुक्त हुँदा दलित समुदायको भने प्रतिनिधित्व हुन सकेन।

सोमबार गठित मन्त्रिपरिषद्‌मा जनजाति, आर्य, मधेसी लगायत विभिन्न समुदायबाट प्रतिनिधित्व हुँदा १३ प्रतिशत जनसंख्या रहेको दलित समुदायको उपस्थिति सुन्य बनेको छ ।

नेकपा एमालेका सचिव समेत रहेका छविलाल विश्वकर्मा र कांग्रेसका सहमहामन्त्री रहेका जीवन परियारलाई मन्त्री बनाउने चर्चा चलेको थियो । कांग्रेसको शेखर – गगन समुहबाट अन्तिममा जिबन परियारको नाम हटाइएको थियो भने एमालेले पनि अन्तिममा छबिलालको नाम मन्त्री बन्ने सूचीबाट हटाएको कारण दलित बिहिन मन्त्री परिषद बन्न पुगेको हो।