पोखरा महानगरपालिका-१९ मा रहेको महिमा सहकारी संस्थाले ६७ औं राष्ट्रिय सहकारी दिवसको अबसर पारेर रक्तदान कार्यक्रमको आयोजना गर्यो । रक्तदान कार्यक्रममा ३२ पिन्ट रगत संकलन भएको थियो।
पोखरा महानगरपालिका -१९ का वडाध्यक्ष पुष्पेन्द्र पाण्डेले ३३ पटक रक्तदान गरिसकेका मनकामना बचत तथा ऋण सहकारीका अध्यक्ष नबिन भण्डारीलाई ब्लड़ब्याग हस्तान्तरण गरेर कार्यक्रमको उद्घाटन गरेका थिए ।
कार्यक्रममा महिमा सहकारीका अध्यक्ष कृष्ण गुरुङ, महिमा सहकारीका, उपाध्यक्ष गोबिन्द चापागाईं, सह सचीव हिरा भण्डारी लगायतले संस्थाका बिबिध गतिबिधि र रक्तदान कार्यक्रममा बारेमा प्रकाश पारेका थिए ।
रक्तदान कार्यक्रमका संयोजक समेत रहेका चापागाईंले दिएको जानकारी अनुसार प्रादेशिक रक्त संचार केन्द्र पोखराको प्राबिधिक सहयोगमा रक्तदान कार्यक्रम गरिएको हो यसै गरि जय मनकामना सहकारी र महिमा सहकारीले सयुंक्त रुपमा मिलेर लामाचौर क्षेत्र र चोक वरपर सरसफाई कार्यक्रम समेत सम्पन्न गरेका बताइएको छ।
सोही कार्यक्रममा स्थानीय एल सि ब्रदर्स युनाइटेड क्लब लामाचौरलाई महिमा सहकारीको तर्फबाट नगद रु १० हजार सहयोग गरिएको थियो ।
