पोखरा, नेपाली काँग्रेसको भात्री संस्थाको रुपमा रहेको नेपाल महिला संघको पोखरा महानगर समितिले १ सय १४ औं अन्तराष्ट्रिय श्रमिक महिला दिवसको अवसर पारेर बिपन्न महिलाहरुलाई सहयोग तथा महिला शसक्तिकरणको लागि उत्प्रेरणा तालिम सम्पन्न गरेको छ समितिले न्युन आए भएका र शिप अनुसारको काम गर्न चाहने महिलाहरुलाई मेसिन सहयोग गरेको हो ।
संघले पोखराको वार्ड न ११ की सुनिता परियार, वार्ड न ७ की छलिमाया परियार, वार्ड न ८ की ज्ञानुदेबी राना श्रेष्ठ, वार्ड न १३ की सरिता परियार र वार्ड न १६ की अम्बिका परियारलाई सिलाई मेसिन उपलब्ध गराएको अध्यक्ष अम्बिका ढुंगानाले गुरुकुल खबरलाई जानकारी दिईन ।
नेपाली काँग्रेसकी केन्द्रीय सदस्य शारदा पौडेल लगायतले एक कार्यक्रममा ति मेसिनहरु हस्तान्तरण गरेका थिए ।
सोहि कार्यक्रमममा नेपाली काँग्रेसको केन्द्रीय सदस्य मनोनित भएको भन्दै शारदा पौडेललाई, नेपाल ट्रेड युनियन कांग्रेसको केन्द्रीय उपाध्यक्ष बनेको भन्दै ललिमाया शर्मा रेग्मीलाई, गृह श्रमिक संघको अध्यक्ष बनेको भन्दै चेतमाया पौडेल गीतालाई, अधिबक्ता बनेको भन्दै प्रिती पाण्डेलाई र रेडियोकर्मी दुर्गा अधिकारीलाई सम्मान गरिएको समेत अध्यक्ष ढुंगानाले जानकारी दिईन ।
सोहि कार्यक्रमममा अधिबक्ता माधवी पाण्डे र रेडियोकर्मी दुर्गा अधिकारीले महिला उत्प्रेरणा र आत्मनिर्भरता बारेमा प्रस्तुति दिएका थिए ।
नेपाल महिला संघ पोखरा महानगर समितीकी सभापति अम्बिका ढुंगानाको अध्यक्षतामा भएको कार्यक्रममा संघको कास्की जिल्ला सभापति मिना पाण्डे, कांग्रेसका जिल्ला सभापति किशोर बराल, महानगर समितिका सचिब कल्पना थापा र प्रिती पाण्डे एबम कोषाध्यक्ष सिर्जना श्रेष्ठ लगायतले आआफ्नो भनाई राखेका थिए ।
महिला संघ महानगर समितिको अध्यक्ष आफु मनोनित् भएपछी महिला दिदीबहिनीहरुको लागि रचनात्मक काम गर्दै आएको ढुंगानाले बताइन ।
