पोखरा, चरक एकेडेमी प्रालि पोखराको १७ औं वार्षिक साधारण सभाले कृष्णराज घिमिरेलाई अध्यक्षमा चयन गरेको छ साधारण सभाले आगामी कार्यकालका लागि घिमिरे अध्यक्ष रहेको नयाँ कार्यसमिति सर्वसम्मत रुपमा चयन गरेको हो ।
घिमिरे नेतृत्वको नयाँ कार्यसमितिको सञ्चालकहरुमा युवराज शर्मा, हिमांशु अर्याल र डा. सुस्मित काफ्ले चुनिएका छन् । त्यसैगरी श्रेया शर्मा, राजीव पहारी र अनुजकुमार बास्तोला पनि एकेडमीको सञ्चालक सदस्यका रुपमा चुनिएका छन ।
अध्यक्षमा निर्बाचित भएपछि घिमिरेले आफ्नो कार्यकालमा सबै सेयरधनीको विश्वास कायम राख्ने प्रतिबद्धता जनाए । आगामी कार्यकालमा सम्पूर्ण सेयरधनीहरुको आशा र भरोसालाई कायम राख्दै संस्थालाई अझ अगाडि बढाउने प्रतिबद्दता समेत उनले व्यक्त गरे ।
सभामा एकेडमीका कम्पनी सचिव युवराज आचार्यले गत आर्थिक वर्षको वार्षिक प्रतिवेदन र आर्थिक प्रतिवेदन प्रस्तुत गरे । सभाले लेखा परीक्षकको नियुक्ति र पारिश्रमिकको प्रस्तावलाई पनि सर्वसम्मत रुपमा पारित गरेको जानकारी समेत उनले दिएका छन ।
