पोखरा, पोखराको गण्डकी मेडिकल कलेज टिचिङ हस्पिटल (जिएमसी) र एनएमबि लघुवित्त वित्तीय संस्थाका बीचमा स्वास्थ्य लघुवित्तमा कार्यरत कर्मचारीहरु र  सेवाग्राहीको उपचार सेवामा छुट दिने सम्झौता भएको छ । द्विपक्षीय सम्झौता अनुसार लघुवित्तका कर्मचारी र ग्राहकले अस्पतालबाट प्रदान गरिने सेवामा सहुलियत पाउनेछन् ।

जसअनुसारअस्पतालले एनएमबि लघुवित्तका कर्मचारी, प्रवर्धक, सेयरधनी र उनीहरुका परिवारलाई विभिन्न स्वास्थ्य सेवामा १५ प्रतिशतसम्म छुट उपलब्ध गराउनेछ। यसैगरी लघुवित्तका ग्राहकहरुले अस्पतालको सेवा लिँदा १० प्रतिशतसम्म छुट पाउने व्यवस्था गरिएको छ । वित्तीय पहुँचसँगै स्वास्थ्य सेवामा सहज पहुँच विस्तार गर्ने उद्देश्यले यो सहकार्य गरिएको हो ।

सम्झौता पत्रमा एनएमबि लघुवित्तका प्रमुख कार्यकारी अधिकृत सजल खड्का र गण्डकी मेडिकल कलेजका प्रिन्सिपल डा रबिन्द्र प्रसाद श्रेष्ठले हस्ताक्षर गरेका छन । दुई संस्थाबीचको सहकार्यले संस्थाको वित्तीय सेवामा आबद्ध समुदायलाई सहुलियतपूर्ण रुपमा गुणस्तरीय स्वास्थ्य सेवा पुर्‍याउन मद्दत गर्ने प्रमुख कार्यकारी अधिकृत खड्काले बताए ।

‘यसबाट ग्राहक हित संरक्षण हुनुका साथै संस्थागत सम्बन्ध थप सुदृढ हुने र वित्तीय संस्था मार्फत स्वास्थ्य सेवामा पहुँच विस्तार गर्दा सामाजिक उत्तरदायित्व पनि पूरा गर्न सहयोग पुग्ने उनले उनको भनाई थियो।