काठमाडौं, सुकुम्बासी बस्तीमा डोजर लगाउने बालेन्द्र शाह नेतृत्वको सरकारको कार्यशैलीका कारण काठमाडौँमा एकजनाले आत्महत्या गरेका छन। काठमाडौँको  बल्खुमा आज शुक्रबार खाली गरिएको सुकुमवासी बस्ती नजिकै बागमती खोलामा एक व्यक्ति मृत फेला परेका छन् ।

शुक्रबार बिहान बल्खुको सुकुम्बासी बस्तीमा डोजर लगाएर बस्ने घर भत्काईदिएपछि घर भत्केको कसरि हेर्नु भन्दै बिलौना गरेका ६१ बर्षीय इन्द्रबहादुर राई केहि समयपछि सोहि बस्ति नजिकको बागमती खोलामा मृत भेटिएका हुन। उनकी श्रीमती सरिता राईले शुक्रबार बिहान घर भत्केको हेर्न सक्दिनँ भन्दै घरबाट निस्किएका र दिउँसो बागमती खोलामा मृत भेटिएको बताइन ।

‘बिहान घर भत्किएपछि एक्लै बर्बराउँदै हेर्न सक्दिनँ भनेर निस्किनुभएको थियो,’ सरिताले भनिन्, ‘अहिले यस्तो अवस्थामा भेटिनुभयो ।’ राईले आत्महत्या गरेको हुनसक्ने प्रारम्भिक अनुमान छ  पत्नी सरिता र उनका छोरा अहिले घटनास्थलमै छन् ।

स्थानीयबासीका अनुसार ईन्द्रबहादुरको परिवार बल्खुको सुकुमवासी बस्तीमा १६/१७ वर्षदेखि बस्दैआएको थियो । उनी बल्खुस्थित सब्जीमण्डीमा काम गर्ने गरेको पनि स्थानीयले बताएका छन् ।