पोखरा, काठमाडौंबाट पोखरातर्फ आउंदै गरेको इभी माइक्रोबस धादिङको गजुरी गाउँपालिका–६ स्थित आदमघाट नजिक दुर्घटना हुँदा १२ जना घाइते भएका छन् । उक्त माइक्रोबस तीव्र गतिका कारण दुर्घटना भएको अनुमान प्रहरीले गरेको छ ।
दुर्घटनामा परेका घाइतेमध्ये ५ जनालाई उपचारका लागि काठमाडौं पठाइएको जिल्ला प्रहरी कार्यालय धादिङले जनाएको छ । धादिंग जिल्ला प्रहरी कार्यालयका अनुसार दुर्घटनामा घाइते भएका अन्य सबैलाई उद्धार गरी उपचारका लागि नजिकको स्वास्थ्य संस्थामा पठाइएको छ ।
घाइतेहरूको अवस्था खतरामुक्त रहेको तर केहिलाई गम्भीर चोट लागेको प्रहरीको प्रारम्भिक विवरणमा उल्लेख गरिएको छ । घटनाको कारणबारे थप अनुसन्धान भइरहेको प्रहरीले जनाएको छ ।
१३ बैशाख २०८३, आईतवार २०:२१ मा प्रकाशित
