पोखरा, नेपाली कांग्रेसका महाधिबेशन प्रतिनिधि सुरजजंग राणा आंफ्नै घरमा दुर्घटनमा परेर गम्भीर घाइते भएका छन। नेपाल तरुण दलका नेता समेत रहेका राणा कास्कीको क्षेत्र न. १ लेखनाथको तालचोकका स्थायी बासिन्दा हुन।
पोखरा महानगरपालिकाको लेखनाथ क्षेत्रको तालचोक नजिक बनाउंदै गरेको घरको तिन तलामाथिबाट अचानक खसेर उनि गम्भीर घाइते भएका थिए ।
गत सोमबार भएको उक्त दुर्घटनापछि उनलाई तत्काल पोखरास्थित अस्पतालमा लगेर प्रारम्भिक उपचार गरिएको भएपनि भोलिपल्ट नै थप उपचारको लागि काठमाडौँ लागिएको थियो ।
हाल काठमाडौँको बिएण्डबि अस्पतालमा उपचार गराइरहेका राणाको दाहिने हात, देब्रे खुट्टा ठाउँ ठाउँमा भाँचिएको कारण प्लास्टर गरेर उपचार भैरहेको र शरीरका अन्य भागमा पनि चोट लागेकोले डाक्टरको निगरानीमा उपचार भैरहेको छ ।
घाइते राणालाई थप केहि दिन अस्पतालमा नै राखेर उपचार गर्नुपर्ने अबस्था रहेको नेपाली काँग्रेस कास्की क्षेत्र न.१ का सभापति राजेन्द्रमणि लामिछानेले गुरुकुल खबरलाई जानकारी दिए ।
‘घरको तिन तला माथिबाट तल बजारिएको अबस्थामा पनि उनको टाउको छाती र मेरुदण्डमा त्यस्तो असर देखिएको छैन, यो देख्दा उनि ठुलो दुर्घटनाबाट पनि जोगिएको महशुश हुन्छ।’ उनलाई भेट्न पुगेका एकजना कांग्रेस नेताको भनाई छ ।
गम्भीर घाइते अबस्थामा उपचाररत राणालाई भेटेर स्वास्थ्यलाभको कामना गर्नका लागि नेपाली काँग्रेसका बिभिन्न तहका नेता कार्यकर्ता सहित उनका शुभचिन्तकहरु अस्पतालमा पुग्ने क्रम जारी छ।
