काठमाडौँ, बजारलाई स्वच्छ बनाउन भन्दै नियमित अनुगमन तथा निरीक्षण गर्दै आएको वाणिज्य, आपूर्ति तथा उपभोक्ता संरक्षण विभागले काठमाडौँका चारवटा ठूला मार्टलाई कारबाहीको दायरामा ल्याएको जनाएको छ । आइतबार स्थलगत अनुगमनका क्रममा कैफियत देखिएको भन्दै विभागले ती चार वटा मार्टलाई कारबाहीको प्रक्रिया अगाडी बढाएको जनाएको हो

विभागले व्यवसायसँग सम्बन्धित कागजात लिई तीन दिनभित्र उपस्थित हुन ति व्यापारिक प्रतिष्ठानलाई निर्देशन दिएको छ । यसरी कारबाहीको प्रक्रिया अगाडी बढाइएका मार्टहरुमा मेट्रो मार्केट प्रालि इमाडोल, सेलवेज क्यास एण्ड क्यारी प्रालि महाराजगञ्ज, मेगा मार्ट प्रालि विशालनगर र भाटभटेनी सुपरमार्केट एण्ड डिपार्टमेन्टल स्टोर प्रालि चक्रपथ रहेको र तीन दिनभित्र कागजातसहित उपस्थित हुन निर्देशन दिईएको छ ।

त्यसैगरी मुना कृषि लिमिटेडलाई पनि उस्तै किसिमको निर्देशन दिएको विभागले जनाएको छ । थप १० वटा अन्य फर्मलाई भने सुधारात्मक निर्देशन दिइएको छ । स्थानीय सरोकारवाला उपभोक्ता अधिकारकर्मीको उपस्थितिमा विभागले कालाबजारी नियन्त्रण, अखाद्य वस्तुको बिक्री वितरणमा रोक लगाउने उद्देश्यका साथ अनुमगन गर्दै आएको जनाएको छ ।