पोखरा, नेपाल लाइफ इन्स्योरेन्स कम्पनी लिमिटेडमा कार्यरत बिमा अभिकर्ताहरुको संस्था पेशागत बिमा अभिकर्ता संघ नेपालको गण्डकी प्रदेश समितिको दोस्रो प्रदेश अधिबेशन बिहीवार पोखरामा सम्पन्न भएको छ ।

अधिबेशनले नयाँ कार्यसमितिको समितिको अध्यक्षमा दिपक प्रसाद पराजुलीलाई निर्बिरोध निर्बाचित गरेको छ पराजुली यस अगाडी संघको पोखरा शाखा कार्यासमितिको अध्यक्ष रहेर काम गरेका थिए ।

नयाँ कार्यसमितिको बरिष्ठ उपाध्यक्षमा मन्जु कोइराला, उपाध्यक्षमा भूमिराज शर्मा पौडेल, महिला उपाध्यक्षमा श्रीमाया श्रेष्ठ, सचिबमा रबिन्द्र लम्साल र सहसचिबमा इश्वरी खड्काको साथै कोषाध्यक्षमा निलकण्ठ उपाध्याय चयन भएका छन ।

यसैगरी कार्यसमितिको सदस्यहरुमा लोकमाया महतो, शान्ति गौतम बाँस्तोला, दिनेश तिवारी, मिना रोका, पवित्रा भण्डारी र मिरा अधिकारीलाई चयन गरेको बुझिएको छ।

अधिबेशनको उद्घाटन संघका केन्द्रीय कोषाध्यक्ष बिमला अम्गाईले गरेकी थिईन । त्यस अबसरमा प्रमुख अतिथि अमगाईको साथै केन्द्रिय सदस्य दामोदर सापकोटा र कृष्ण बहादुर रिमाल, नेपाल लाईफ इन्स्योरेन्स कम्पनी लिमिटेड.गण्डकी प्रदेश प्रमुख सहदेव अधिकारी, प्रकाश सिटौला र उपेन्द्र तिमिल्सिना लगायतका बक्ताले बिमाको महत्व र बिमा अभिकर्ताको कर्तब्य सहित बिभिन्न बिषयमा आआफ्नो भनाई राखेका थिए ।

अधिबेशनको उद्घाटन समारोहको अध्यक्षता संघका गण्डकी प्रदेश अध्यक्ष समिप अधिकारीले गरेका थिए भने कार्यक्रमको संचालन सचिब रबिन्द्र लम्सालले गरेको नबनिर्बाचित अध्यक्ष दिपक प्रसाद पराजुलीले गुरुकुल खबरलाई जानकारी दिए।