पोखरा । “हामी सेवा गर्छौं” भन्ने उद्धेश्यका साथ स्थापना गरिएको लायन्स क्लव अफ पोखरा आरम्भ चौतारीले राष्ट्रिय परोपकार महासघंद्वारा पोखरा–१५ ढुंगेसाँघुमा संचालित बटुक आश्रममा दैनिक उपभोग्य सामाग्रिहरू सहयोग गरेको छ।
शनिबार एक कार्यक्रमको आयोजना गरेर चामल, दाल, आलु, तेल, घ्यू, नुन,मसला, विस्कुट, चिउरा, तरकारी, गेडागुडी लगायतको करिव ५० हजार रुपैयाँ बराबरको सामाग्रिहरू सहयोग गरेको हो ।
लायन्स क्लव अफ पोखरा आरम्भ चौतारीकी वर्ष २०२४/२५का अध्यक्ष कृष्ण कुमारी कुवँरको अध्यक्षतामा भएको कार्यक्रममा प्रमुख अतिथि रिजन चेयर पर्सन मोहन राज आचार्य, बिशेष अतिथि जोन चेयर पर्सन महेश्वर रिमाल, भागवत भाष्कर युवा पण्डित कमलनयन गौतम, फेवा बेगनास चौतारी लायन्सका वर्ष २०२४/२५ का अध्यक्ष चित्रबहादुर गुरुड् लगायतका सहभागी बनेको लायन्स क्लब अफ आरम्भ चौतारीका संस्थापक अध्यक्ष माया बरालले जानकारी दिईन।
कार्यक्रमको सहजिकरण लायन्स क्लव अफ पोखरा आरम्भ चौतारीका सचिव देविका कार्कीले गरेकी थिइन्।आध्यात्मिक ज्ञानको माध्यमवाट समाजमा सकारात्मक सन्देश प्रवाह गर्दै धर्म संस्कृतिको जगेर्ना गर्ने तथा असहायहरूलाई शिक्षा प्रदान गर्दै आएको आश्रममा ६५ जना बटुकहरू अध्ययनरत छन ।
