पोखरा, नेपाली कांग्रेस नियमित १५ औं महाधिबेशनको पक्षमा रहेको समुहले  नेपाल तरुण दलको अध्यक्षमा दिल लामालाई मनोनीत गरेको छ । नियमित १५औँ केन्द्रीय महाधिवेशन तयारी समितिका संयोजक समेत रहेका प्राडा शशांक कोइरालाले लामालाई तरुण दलको अध्यक्ष पदमा मनोनीत गरेका हुन्।

मनोनयन पत्रमा नेपाली कांग्रेस केन्द्रीय समितिको निर्णयअनुसार नेपाली कांग्रेसको विधान, २०१७ (संशोधन सहित) को धारा ४२ (१) (च) बमोजिम लामालाई अध्यक्ष पदमा जिम्मेवारी दिइएको उल्लेख छ। नेपाली कांग्रेसको १४ औं महाधिबेशनबाट सभापतिमा निर्बाचित शेरबहादुर देउवा समुहको रुपमा नियमित १५ औं महाधिबेशनको पक्षमा रहेकाहरुलाई चिनिन्छ।

अध्यक्षको रूपमा कांग्रेसको स्थापित मूल्यमान्यता आत्मसात् गर्दै आगामी ६ महिनाभित्र नेपाल तरुण दलको महाधिवेशन सम्पन्न गरी संगठनलाई बलियो बनाउने विश्वास लिइएको छ।