काठमाडौँ, ‘सक्सेस एण्ड जोय’ यो शब्द सुन्दा जति राम्रो लाग्छ, यसलाई ब्यबहारमा प्रयोग गर्न सके मानिसले आफ्नो व्यक्तिगत जिबनमा मात्र नभएर पेशागत, संस्थागत वा अन्य जिबनमा समेत सफलता प्राप्त गर्ने र त्यहि किसिमको आनन्द प्राप्त गर्न सक्ने हुन्छ । यहि कुरालाई दृष्टिगत गरि मुक्तिनाथ बिकास बैंक र मुक्तिनाथ कृषि कम्पनीले आफ्नो संस्थामा कार्यरत कर्मचारीहरुको लागि सक्सेस एण्ड जोय कार्यक्रम सम्पन्न गरेको छ।
काठमाडौँको चाबहिलमा रहेको जिबन विज्ञानको हलमा सम्पन्न कार्यक्रममा रमेश गुरुदेव र भानु गुरुदेवले जीवनलाई सफल र खुसी बनाउन अपनाउनु पर्ने वैज्ञानिक, व्यवहारिक र प्रयोगात्मक सूत्रहरूको अभ्यास गराएका थिए ।
भानु गुरुदेवले सफलताका लागि मानिससँग लक्ष्य हुनुपर्ने र लक्ष्य पूरा गर्न ऊर्जा चाहिने बताउँदै त्यो ऊर्जाको व्यवस्थापनका लागिआवश्यक योग र ध्यानका विधिको छोटो प्रयोग र अभ्यास गराए । उनले संस्थालाई सफल बनाउन संस्थामा रहेका व्यक्तिको विकास हुनुपर्ने बताउँदै व्यक्तिको विकासका लागि ध्यान महत्वपूर्ण रहेकोमा जोड दिए ।
रमेश गुरुदेवले मानिस खुसी हुनका लागिआएको बताउँदै मानिस खुसी हुने आयामहरूबारे प्रकाश पारे । जबसम्म मानिस आफु तर्फ फर्कदैन तबसम्मआफु भित्रको खुसी, उमङ्ग, प्रेम, साहस, विचारको स्रोत पत्ता लगाउन सक्ने हुँदैन भन्दै उनले आफुमा रहेको कमजोरी र सवल पक्षको सुची बनाएर आफुतर्फ फर्कने कला सिकाएका थिए ।
मुक्तिनाथ विकास बैङ्ककासहायक प्रमुख कार्यकारी अधिकृत गोविन्द बहादुर राउतले सक्सेस एण्ड जोयले सफल र खुसी हुने सूत्र सिकाएको बताउदै यी सूत्र र अभ्यासहरू निरन्तर गर्ने र बैङ्कमा पनि निरन्तर गर्ने वतावरण सिर्जना गरिने बताए ।
मुक्तिनाथ कृषि कम्पनिका रामशरण तिमिल्सिनाले कार्यक्रममा सिकेका सूत्रहरू कम्पनीको लागि महत्वपुर्ण भएकाले जनशक्ति व्यवस्थापनका लागि जीवन विज्ञानसँगको सहकार्यलाई निरन्तरता दिईने बताए ।
कार्यक्रममा मुक्तिनाथ विकास बैङ्क र मुक्तिनाथ कृषि कम्पनीको केन्द्रिय र शाखा कार्यालयका व्यवस्थापकीय तहमा रहेका एक सय भन्दा बढी कर्मचारीको सहभागिता रहेको थियो ।