पोखरा, नेपाली काँग्रेसका पुराना नेता, प्रजातन्त्रका सेनानी पोखरा महानगरपालिका -७ निबासी अग्निलाल बरालको ९० वर्षको उमेरमा निधन भएको छ । राजनीतिक, सामाजिक एबम धार्मिक क्षेत्रमा बिशेष रुची राख्ने बरालको बुधबार मध्यान्ह पोखराको मणिपाल अस्पतालमा उपचारको क्रममा निधन भएको हो ।
सामान्य स्वास्थ अवस्था रहेका बराल अचानक बिरामी परेपछि बुधबार बिहान उपचारको लागि मणिपाल अस्पताल लागिएको थियो ।
‘बुवाले केहि औषधिहरु नियमित रुपमा सेवन गर्ने गरेको भएपनि स्वास्थअवस्था भने सामान्य नै रहेको थियो । अचानक बिहान स्वास्थमा समस्या देखिएपछि उपचारको लागि अस्पताल लागिएको थियो। ‘ छोरा नबिन बरालले गुरुकुलखबर संग भने ।
स्वर्गीय बरालका छोराहरु मध्ये जेठा छोरा हेमराज बराल लामो समयसम्म पत्रकारिता क्षेत्रमा संलग्न थिए । नेपाल प्रेस युनियन कास्कीका पूर्व अध्यक्ष समेत रहेका बराल हाल अमेरिका छन् । यसै गरि अर्का छोरा नबिन बराल नेपाली काँग्रेसको राजनीतिमा क्रियाशिल छन् उनि बराल नेपाली काँग्रेस पोखरा महानगरपालिका -७ को सभापति समेत हुन् ।
स्व. बरालका जेठा छोरा हेमराज, माहिला छोरा देबराज, साहिला छोरा नबिन, काइँला सुन्दर र कान्छा छोरा पबित्र बराल हुन उनका ८ जना छोरी रहेका छन स्व. बरालका धर्मपत्नी दुई जना रहेपनि दुवै जनाको निधन भैसकेको छ ।
स्व. बरालको अन्त्येष्टि भने संभवत सुक्रबार मात्र हुने भएको छ अमेरिकामा रहेका जेठा छोरा नेपाल आएपछि मात्र अन्त्येष्टि गर्ने भनिएकोले बरालको शब अस्पतालमा नै राखिएको परिवारजनले जानकारी दिएका छन् ।
