Play

नेपाल टेलिकमको अटम अफर सञ्चालनमा

गुरुकुल खबर


काठमाडौं । नेपाल टेलिकमले अटम अफर सञ्चालनमा ल्याएको छ ।

कम्पनीले उपलब्ध गराइरहेको समर अफर सेवाग्राहीले अत्यधिक रुचाएको पाइएकाले यसमा सोही अफरअन्तर्गत केही प्याकलाई अद्यावधिक र केहीलाई निरन्तरता दिइएको छ ।

शनिबारदेखि कार्यान्वयनमा ल्याइएको यो अफर बढीमा आगामी ९० दिनसम्म सञ्चालनमा रहने बताइएको छ ।

यसअन्तर्गत सजिलो प्रिपेड कम्बो अफर, सजिलो अनलिमिटेड प्रिपेड प्याक, सस्तो प्रिपेड प्याक, अननेट एसएमएस प्याक र इन्डिया कल अफरलगायतका विभिन्न प्याक सञ्चालनमा ल्याइएकोे छ ।

सजिलो प्रिपेड कम्बो ३ सय ४९ अन्तर्गत प्रतिदिन ५०० एमबी डाटा, प्रतिदिन ५० मिनेट (अल नेटवर्क) भ्वाइस र दैनिक ५० वटा (अल नेटवर्क) सन्देश पठाउन सकिनेलगायत सुविधा उपलब्ध छन् ।

अन्य प्याकहरू र अफरमा पनि विभिन्न आकर्षक सुविधाहरु उपलब्ध रहेका छन् ।

१ कार्तिक २०७९, मंगलवार ०९:२५ मा प्रकाशित
Nabintech