पोखरा, पोखरा महानगरपालिकाले सृजना चोक स्थित आफ्नो स्वामित्वमा रहेको भवनको भूमिगत पार्किङ खाली गरी पार्किङ प्रयोजनका लागि खुला गरेको छ । महानगर भित्र निर्माण गरिएका पार्किङ सहितका कतिपय भवनहरुले प्रयोजन विपरीत प्रयोग गर्दै आई रहेका बेला महानगरले आफ्नो स्वामित्वमा रहेको भवनको भूमिगत पार्किङलाई आज बुधबारबाट खुला गरेको हो ।
यसअघि भाद्र १३ गते महानगरले पोखरामा रहेका भूमिगत पार्किङ स्थलहरुलाई सम्बन्धीत प्रयोजनको लागि नै प्रयोग गर्न भनि ३५ दिने सूचना जारी गरेको थियो । महानगरले जारी गरेको उक्त ३५ दिने सूचनाको म्याद सकिन अब केही दिन मात्र बाँकी रहेको छ । तर महानगरले सो समय अवधि अगावै आफ्नो भवनको भूमितग पार्किङलाई खाली गरि यस कार्यको शुभारम्भ गरेको छ ।
महानगर प्रमुख धनराज आचार्यले यो त केबल एउटा शुभारम्भ मात्र भएको अब पोखरामा जतिपनि व्यवसायिक भवनहरु छन् जुन भूमिगत पार्किङ सहित निर्माण गरिएका ती घरधनीहरुले समयमा नै खाली गरि पार्किङ प्रयोजनको लागि नै प्रयोग गर्न अनुरोध गरेका छन् ।
उनले पोखरामा रहेका जतिपनि भूमिगत पार्किङहरु छन् त्यस ठाँउमा त्यही सम्बन्धीत कार्यको लागि नै प्रयोग गर्ने कामको थालनी भएको भन्दै सांङ्केतिक रुपमा पार्किङ सुरु भएको भन्ने सन्देश पोख्रेलीबासीहरुलाई महानगरले दिएको बताएका छन् । उनले बेसमेन्ट पार्किङ सहितको भवन निर्माणका लागि अनुमति लिएर निर्माण गरिएका प्रतेक व्यवसायीक भवनहरुले यसको कार्यान्वयन अनिवार्य रुपमा गर्नुपर्ने बताएका छन् ।
उनले पोखरामा बढ्दो ट्राफिक जाम व्यवस्थापन गर्नका निम्ति महानगरले शुरुवात गरेको यस कार्यमा सम्बन्धीत घरधनीहरुदेखि लिएर व्यापार–व्यवसाय गर्दै आएका सम्पूर्णले महानगरलाई साथ र सहयोग गर्नुपर्ने पनि बताएका छन् ।
उनले यसको कार्यान्वयनको लागि आफुहरुले ३५ दिने सूचना जारी गर्दै सम्बन्धीत भवनका घरधनी एंव सो स्थानमाव्यवसाय गर्दै आएकाहरुलाई पत्र समेत पठाइसकेको जानकारी दिएका छन् । प्रमुख आचार्यले महानगरले जारी गरेको सूचनालाई बेवास्ता गरि अटेर गरेको खण्डमा नियमानुसार कारबाही गर्ने बताएका छन् ।
त्यस्तै महानगरका वरिष्ठ इन्जिनियर सुरेन्द्र पौडेले आफुहरुले अनुगमनको क्रममा कतिपय भूमिगत पार्किङमा घरधनीसंग सम्झौता गरि नियमविपरित व्यापार–व्यवसाय गर्दै आएका व्यवसायीहरुले ठाँउ खाली गरिसकेको जानकारी दिएका छन् । उनका अनुसार पोखरा महानगरपालिका भित्र मात्र करिब २ सय ५० भन्दा बढीको हाराहारीमा बेसमेन्ट पार्किङको अनुपति लिई भवनहरु निर्माण सो पार्किङ शुभारम्भ कार्यक्रम मार्फत जानकारी समेत दिएका छन् ।
प्रतिक्रिया लेख्नुहोस्:-