Play

यस्तै अवस्था रहे नेपाल पनि छिटै श्रीलंकाको बाटोमा -कांग्रेस नेता भण्डारी

गुरुकुल खबर


पोखरा , नेपाली कांग्रेसका नेता एवं पूर्व केन्द्रीय सदस्य चन्द्र भण्डारीले स्थानीय तहमा गठबन्धन भएका कारण आसन्न संसदीय निर्वाचनमा पनि गठबन्धन बाध्यता बनेको बताउनुभएको छ ।

नेपाली कांग्रेस कास्कीको कार्यालयमा कार्यकर्ताहरुसंगको भेटघाट कार्यक्रममा बोल्दै नेता भण्डारीले भन्नुभयो “ गठबन्धन ठिक वा बेठीक के होला भन्नुभन्दा पनि पार्टीले संस्थागत निर्णय गरिसकेपछि त्यसलाई मान्नुको बिकल्प छैन “

कांग्रेस युवा नेता भण्डारीले नेपाल राम्रो बाटोमा हिंड्न नसकेको कुराको चर्चा गर्नुभयो र भन्नुभयो “ अहिले देशको आर्थिक अवस्था राम्रो छैन तर पनि संघियताको नाममा संघ , प्रदेश र स्थानीय तहका सरकारले आआफ्नो किसिमले बजेट बितरण गरिरहेको छन तर त्यसको लागि भरपर्दो श्रोत केही छैन ।

यस्तै अवस्था रहेमा नेपाल पनि छिटै श्रीलंकाको बाटोमा पुग्न सक्ने सम्भावना छ ।” अहिले पनि विभिन्न तहका सरकार बाट गल्ती भैरहेको तर त्यसलाई सुधार गर्ने प्रयास हुन नसकेको भन्दै वहांले अर्थतन्त्र बिग्रदै गएका विभिन्न मुलुकको उदाहरण समेत दिनुभयो।

अब देशलाई समृद्दीको बाटोमा लैजान राज्यका विभिन्न संरचनामा रिफर्म गरि सोहि अनुसार कार्य सम्पादन ‘पर्फर्म’ हनुपर्ने र त्यसलाई सबैतिर हस्तान्तरण वा ट्रान्सफर्म गर्नुपर्ने खाँचों औंल्याउनुभयो ।

नेपाली कांग्रेसमा युवा हरुको भुमिकाको बारेमा चर्चा गर्दै वहांले भन्नुभयो, युवा उमेरले भन्दा पनि बिचार र दृष्टिकोणले हुने हो तर नविन दृष्टिकोण र योजना लिएर अगाडी बढ्न खोज्दा पार्टी भित्रको परम्परागत शक्ति नै बाधक बन्ने भएकोले पनि युवाहरुले नेतृत्व लिन नसकेको स्पष्ट पार्नुभयो।

एक अर्को प्रसंगमा कांग्रेस नेता भण्डारीले भन्नुभयो , कांग्रेस सभापति एवं प्रधानमंत्री शेर बहादुर देउवा आम नागरिक स्तरमा लोकप्रिय बन्न नसकेको भएपनि सरकार र पार्टी संचालनमा सफल बन्नुभएको छ । कसैले पास गर्न नसकेको एम सि सि वहांले नै पास गराउनुभयो , २३ सिटमा खुम्चिएको कांग्रेसको तर्फबाट प्रधानमंत्री बन्नुभयो , कांग्रेस वरिष्ठ नेता रामचन्द्र पौडेलले सबैतिर असफल देउवा भनेर आलोचना गरिरहेकै अवस्थामा नेता पौडेलसमेतको कडा दवाव पछि देउवा प्रधानमंत्री बन्नुभएको थियो !’

कार्यकर्ता भेटघाट कार्यक्रमको प्रारम्भमा कास्की कांग्रेसका सभापति किशोरदत्त बरालले कांग्रेसको आन्तरिक राजनीतिले पनि सही मार्ग लिन नसकेको भन्दै आसन्न निर्वाचनमा समेत कांग्रेस एकताबद्द र सुदृढ़ भएर जानुको विकल्प नरहेको बताउनुभयो ।

कार्यक्रममा नेपाली कांग्रेस कास्कीका कोषाध्यक्ष माईकल कर्माचार्य सहित दुर्गा बहादुर सुनार,मन बहादुर लाम्गादे , महिला संघकी नगर सभापति माया बराल , महिला नेतृ सीता शर्मा ,लालुमाया रेग्मी लगायतले आआफ्नो जिज्ञासा राखेको थिए ।

१४ असार २०७९, मंगलवार २१:०४ मा प्रकाशित
Nabintech