काठमाडौं, फागुन १८ गते। कमल थापाले राप्रपा नेपालका १६ केन्द्रीय पदाधिकारीको मनोनयन गर्नुभएको छ। बुधबार अध्यक्ष थापाले पार्टी विधान अनुसार ६ उपाध्यक्ष, चार महामन्त्री र ६ जना सहायक महामन्त्री मनोनयन गर्नुभएको हो।
पार्टी प्रवक्ता सुरेश आचार्यका अनुसार राजीव पराजुली, उद्धव पौडेल, जयकुमार खड्का, राजेन्द्रकुमार वीर राय, विष्णु भण्डारी र लाक्पा तामाङ उपाध्यक्ष बन्नुभएको छ।
त्यसैगरी भाष्कर भद्रा, सुशील श्रेष्ठ, इन्द्र चित्रकार, राजाराम बर्तौला महामन्त्री बन्नुभएको छ भने हरिकृष्ण श्रेष्ठ, धरम गुरुङ, अम्बिकाप्रसाद ढकाल, शिवकुमार बास्तोला, ममता राई र शशिरञ्जन यादव सहायक महामन्त्री बन्नुभएको छ।
फागुन ७ गते राप्रपा नेपाल पार्टी घोषणा गर्नुभएका थापाले पार्टीको कार्यसमिति चयन गर्नुभएको हो।
प्रतिक्रिया लेख्नुहोस्:-