तनहुँ, पृथ्वीराजमार्गमा पर्ने तनहुँको दुई स्थानमा पहिरो झरेर अबरुद्ध भएको सडक सात घण्टापछि सुचारु भएको छ ।

व्यास नगरपालिका –१२ घाँसीकुवा र म्याग्दे गाउँपालिका –१ गुणादीमा खसेको पहिरो पन्छाएर सडक सुचारु गरिएको प्रहरीले जनाएको छ ।

बिहीबार राति खसेको पहिरोले सडक अबरुद्ध भएकोमा गुणादीमा शुक्रबार विहान ६ बजे एक तर्फी खुलाइएको सडक पुन पहिरो खसेकाले दुइतर्फी यातायात बन्द भएको थियो ।

डोजरले पहिरो हटाएर सडक सुचारु गरिएको जिल्ला ट्राफिक प्रहरी कार्यालय तनहुँका प्रमुख गोकर्ण नेपालले जानकारी दिए ।

मुग्लिन पोखरा सडक विस्तार आयोजनाको डोजर प्रयोग गरेर राजमार्ग सञ्चालन गरिएको बताए ।

शुक्रबार विहान ३ बजेदेखि नै गुणादीमा सडक अबरुद्ध भएकोमा शुक्रबार १०ः१५ बजेबाट सडक सुचारु भएको प्रहरीले जनाएको छ । सडक सुचारु भएपछि यात्रु आफ्नो गन्तव्यमा लागेका छन् ।