पोखरा , नेपाली कांग्रेस निकट नेपाल निजामती कर्मचारी युनियन कास्कीले युनियनको संगठनात्मक कामका अतिरिक्त कर्मचारीहरुको पेशागत हक़ हित र सुविधाका लागि मात्र नभएर विभिन्न तहका कर्मचारीहरु बिच सुमधुर सम्बन्ध स्थापित गर्न नयां पहल शुरु गरेको छ ।
यस क्रममा युनियनको कास्की शाखाले विभिन्न कार्यालयका प्रमुखहरु कास्कीमा पदस्थापन हुंदा वा कास्कीबाट सरुवा भएर जांदा स्वागत र विदाई गर्ने क्रमलाई निरन्तरता दिएको छ ।
विगत केही दिन यता युनियनको कास्की शाखा तथा युनियनमा आबद्ध कर्मचारीहरुले प्रदेश मन्त्रालयमा आएका सचिवहरु सहित कास्कीका प्रमुख जिल्ला अधिकारी र अन्यको स्वागत र बिदाईमा सम्बन्धित कार्यालयमै पुगेर संक्षिप्त कार्यक्रम आयोजना गरेका थिए ।
मंगलवार कास्कीका नव आगन्तुक प्रमुख जिल्ला अधिकारी टेक बहादुर केसीलाई कर्मचारी युनियन कास्कीको तर्फबाट स्वागत गरिएको थियो । प्रजिअ केसी सोमवार मात्र कार्यालयमा हांजिर भएका थिए । सोही अवसरमा युनियनको टोलीले कास्कीका प्रहरी प्रमुख तथा प्रहरी उपरिक्षक अजय केसीलाई समेत स्वागत गरेको थियो । केसी पनि केही साता अगाडी मात्र कास्कीको प्रहरी प्रमुख ज़िम्मेवारी सम्हाल्न आएका हुन ।
यसै गरि मंगलवार नै गण्डकी प्रदेश अन्तर्गत कृषि मन्त्रालयका सचिव सहदेव हुनागाँई लाई पनि मालेपाटन स्थित मन्त्रालयकै कार्यालय पुगेर युनियनकर्मीले स्वागत गरेका थिए ।
यसै गरि युनियनको कास्की जिल्ला अध्यक्ष शुरेश श्रेष्ठ सहितको टोलीले कास्कीका सहायक प्रमुख जिल्ला अधिकारी शिव प्रसाद रिजालको बिदाई गरेको छ । कास्कीबाट बांकेको नेपालगंज उपमहानगर पालिकाको प्रमुख प्रशासकीय अधिकृतको रुपमा सरुवा भएका रिजाललाई मायाको चिनो र खादा लगाएर बिदाई गरेको थियो ।
यसका साथै कास्कीका प्रमुख जिल्ला अधिकारीको रुपमा काम गरेर ललितपुर जिल्लामा सरुवा भएका जय नारायण आचार्यलाई समेत युनियनको टोलीले बिदाई गरेको थियो ।
युनियनले कर्मचारी र कार्यालय प्रमुखहरुको स्वागत र बिदाई गर्दा जुन सुकै कार्यालय र जिल्लामा पुग्दा समेत युनियनका साथीहरु संग सुमधुर सम्बन्ध स्थापित हुने विश्वासले नै यस किसिमको कार्यक्रम गरिएको युनियनका कास्की जिल्ला अध्यक्ष शुरेश श्रेष्ठ बताउंछन ।
हामीले कर्मचारीहरुको हक़ हितका लागि मात्र हैन सेवा ग्राही आम नागरिकको सुविधालाई समेत ख़्याल गरेर कार्यक्रम गर्ने गर्दछौ। युनियनको स्थापना दिवसमा रक्तदान र बृद्दाश्रममा फलफूल सहित खाधान्न सहयोग गर्ने मात्र नभएर कर्मचारीहरुको सहकारी मार्फत पनि सामाजिक र रचनात्मक काम गर्दै आएको छौ । युनियनको कास्की जिल्ला अध्यक्ष श्रेष्ठले बताए ।
निजामती सेवा ऐन यथाशीघ्र जारी गर्न र त्यसलाई कर्मचारी मैत्री बनाउन समेत उनिहरुले जोड दिंदै आएका छन । यसका लागि गण्डकी प्रदेशका मुख्य मन्त्री कृष्णचन्द्र पोखरेल , कानुन मन्त्री बिन्दु कुमार थापा , मुख्य न्याषाधिवक्ता रोहित राज बांस्तोला लगायत सरोकारवालाहरु संग बारम्बार भेटघाट र छलफल भएको युनियनका केन्द्रीय सदस्य विश्वराज आचार्यको भनाई छ ।
यसै सन्दर्भमा यही भदौ २६ गते कर्मचारीहरुले मुख्य मन्त्रीको कार्यालय परिसरमा धर्ना समेत दिएका थिए । प्रदेश र निजामती सेवा ऐन ट्रेड युनियन अधिकार सहितको समायोजन ऐन २०७५ बमोजिम समायोजन भएका सबै तहका कर्मचारीहरुको सरुवा बढुवा र वृत्तीबिकास हुने गरि यथाशीघ्र ऐन ल्याउन माँग गर्दै आयोजित धर्नामा सहभागी कर्मचारीहरुलाई प्रहरीले गिरंफ्तार गरेको थियो ।
उनिहरुलाई कास्की जिल्ला प्रशासन कार्यालयका प्रशासकीय अधिकृत समेत रहेका युनियनको गण्डकी प्रदेशका उपाध्यक्ष दिपक रेग्मी लगायतको समन्वयमा सोही दिन रिहा गरिएको थियो ।
यसैगरि युनियनको केन्द्रीय उपाध्यक्ष सहितको टोलीले गण्डकी प्रदेशका आन्तरिक मामिला मन्त्री दोबाटे बिश्वकर्मा र सोही मन्त्रालयका सचिव बद्रि अधिकारी समेतलाई भेटेर अधिकृत आठौ तहसम्म स्थानीय तहमा ट्रेड युनियन अधिकार सहितको कर्मचारी मैत्री ऐन तत्काल जारी गर्न माग गरेको थियो ।
युनियनको यस किसिमको सक्रियता लाई सराहना गरिएपनि लोकतन्त्रलाई संस्थागत गर्न कर्मचारीहरु आंफ्नो काम प्रति ज़िम्मेवार बन्न, पारदर्शिता र कानुनको शासनमा जोड दिन अनि आम नागरिकको शुसासनको चाहनालाई पुरा गर्न समेत युनियनको ध्यान जानुपर्नेमा धेरैको जोड छ ।
