काठमाडौँ, पटक पटक बिभिन्न बिबादास्पद अभिव्यक्तिको कारण बिबादमा आइरहने राष्ट्रिय स्वतन्त्र पार्टी (रास्वपा) का सांसद खगेन्द्र सुनार अर्को एक विवादास्पद अडियो सार्वजनिक भएपछि पुन बिबादमा तानिएका छन । सामाजिक संजालमा छ्याप्छ्य्याप्ती सार्बजनिक भएको अडियोमा सांसद सुनारले पूर्व सांसद रहेकी एक महिलालाई लक्षित गर्दै अत्यन्तै आपत्तिजनक लाञ्छना लगाउनुका साथै धम्कीपूर्ण शब्द प्रयोग गरेको सुनिएको छ।
यसअघि पनि प्रहरी पोसाक खरिदमा अनियमितताको आरोप, प्रहरी महानिरीक्षक (आईजीपी) सँगको विवाद, प्रस्तावित राजदूत नियुक्ति प्रकरणरास्वपाले आफ्ना सांसदमाथि प्रश्न उठिसकेपछि अब कसरी कारबाही प्रक्रिया अघि बढाउँछ त्यो चासोको विषय बनेको छ।मा नाम मुछिनु र गाईसम्बन्धी विवादित अभिव्यक्तिका कारण सांसद सुनार पटक-पटक चर्चा र आलोचनाको केन्द्रमा रहँदै आएका छन्।
सोमबार जनआस्था साप्ताहिकले उक्त अडियो खगेन्द्रको सार्वजनिक गरेको हो । केही वर्षअघि रेकर्ड गरिएको बताइएको यो अडियो सोमबार सार्वजनिक भएपछि सामाजिक सञ्जाल र राजनीतिक वृत्तमा तरङ्ग पैदा भएको छ। अडियोमा उनले प्रयोग गरेका शब्दहरूले मर्यादित भाषाको सीमा नाघेको सुनिन्छ । यससँगै सामाजिक उनको चौतर्फी आलोचना भइरहेको छ।
यो घटना सार्वजनिक भएसँगै सांसद सुनारले पदबाट राजीनामा दिनुपर्ने र उनीमाथि तत्काल कानुनी कारबाही हुनुपर्ने आवाज समेत उठेको छ। विवादमा तानिएपछि सांसद सुनारले आफ्नो फोन ‘स्वीच अफ’ गरेका छन् भने सञ्चारकर्मीको सम्पर्कमा आउन चाहेका छैनन्। रातोपाटीले यस विषयमा बुझ्न उनलाई पटक पटक सम्पर्क गर्दा फोन स्वीच अफ भएको पाइयो ।
यता, सुनार विवादमा तानिए विषयमा पार्टीको धारणा बुझ्न खोज्दा राष्ट्रिय स्वतन्त्र पार्टीका प्रवक्ता जगदीश खरेलले प्रतिक्रिया दिन अस्वीकार गरेका छन् । आफू काठमाडौँ बाहिर रहेको र उक्त विषयमा पूर्ण जानकारी नभएको बताउँदै उनले पछि बुझेर मात्रै प्रतिक्रिया दिन सक्ने भन्दै पन्छिए ।
