काठमाडौँ, रसुवाको भोटेकोशीमा आएको बाढीबाट मृत्यु हुनेको संख्या २२ पुगेको छ। बागमती प्रदेश प्रहरी कार्यालयको पछिल्लो विवरण अनुसार रसुवा, नुवाकोट, धादिङ र चितवनमा गरी २२ जनाको मृत्यु भएको हो। मृत्यु हुने र घाइते हुनेहरुको संख्या धेरै पुग्ने अनुमान गरिएको छ।
विवरणअनुसार रसुवामा एक पुरुष, नुवाकोटमा पाँच महिला र छ पुरुष गरी ११ जना, धादिङमा पाँच महिला, दुई पुरुष र दुई जनाको लिङ्ग नखुलेको गरी नौ जना तथा चितवनमा एक महिलाको मृत्यु भएको छ।
बाढीका कारण प्रभावित क्षेत्रमा ६५ जनालाई घाइते अवस्थामा उद्धार गरिएकोमा रसुवाबाट ४३, नुवाकोटबाट १९ र धादिङबाट तीन जनाको उद्धार गरिएको विवरणमा उल्लेख छ।
उद्धार गरिएकामध्ये छ जना काठमाडौं र ३६ जना धुन्चेमा रहेको तथा एक प्रहरीसहित अन्य घाइतेको नुवाकोटमा उद्धार गरिएको विवरणमा उल्लेख छ। आकस्मिक बाढीको कारण ठुलो जनधनको क्षती भएपनि कति क्षती भयो भन्ने अनुमान गर्न समेत थप केहि समय लाग्ने अबस्था छ ।
