पोखरा, मुक्तिनाथ विकास बैंकका ग्राहकले पोखराको लेकसाइडस्थित वरपीपल रिसोर्टले प्रदान गर्ने केहि सेवामा १० प्रतिशत छुट पाउने भएका छन रिसोर्टमा खाना, बास र स्पा सेवामा १० देखि २० प्रतिशतसम्म छुट पाउने गरि बैंकले मंगलबार रिसोर्टसँग सम्झौता गरेको छ ।
मुक्तिनाथ बिकास बैंकका अनुसार सम्झौतापछि ग्राहकले रिसोर्टका विभिन्न सेवामा छुट सुविधा लिन सक्नेछन् । खाना, बास र स्मा सेवामा १० देखि २० प्रतिशतसम्म छुट उपलब्ध हुनेछ ।
छुट सुविधा लिन बैंकका ग्राहकले बैंकको डेबिट कार्ड, प्रिभिलेज कार्ड वा मोबाइल बैंकिङमार्फत भुक्तानी गर्नुपर्नेछ । अन्य माध्यमबाट गरिएको भुक्तानीमा यो सुविधा लागू हुने उल्लेख छैन ।
रिसोर्टमा ६ जनाभन्दा बढीको समूहमा बुकिङ गर्दा एक जनाका लागि बस्ने सुविधासहित ब्रेकफास्ट, लन्च र डिनर निःशुल्क उपलब्ध हुने बैंकले जनाएको छ।
मुक्तिनाथ विकास बैंकले ग्राहकलाई विभिन्न सेवा तथा सुविधामा सहुलियत उपलब्ध गराउने उद्देश्यले वरपीपल रिसोर्टसँग सम्झौता गरेको जनाएको छ ।
