पोखरा, अनुसन्धान व्यवस्थापन समिति, कन्या क्याम्पसको आयोजनामा प्राज्ञिक एवं अनुसन्धानमुलक लेखन सम्बन्धी दुइदिने कार्यशाला शनिबार शुरु भएको छ।

कार्यक्रमको उद्घाटन गर्दै कन्या क्याम्पस संचालक समितिका अध्यक्ष शिवलाल मल्लले अनुसन्धानहरु शिक्षकको पेशागत उन्नयनको साधन मात्रै नभएर समाजमा विद्यमान समस्याहरु समाधानमा केन्द्रित हुनुपर्नेमा जोड दिए।

क्याम्पस प्रमुख सुरेस कुमार मानन्धरले क्याम्पसले अनुसन्धानमा जोड दिएको र विश्वविद्यालय अनुदान आयोगले आर्थिक सहयोग गरेमात्रै कार्यक्रम गर्ने प्रवृत्तिको अन्त्य गर्दै आफ्नै श्रोतबाट कार्यक्रम सञ्चालन गरिएको बताए।

कार्यक्रममा डा भुमिराज बस्ताकोटी, भुमिराज पण्डित र मदन प्रसाद बरालले प्राज्ञिक लेखनका विविध आयाम हरुमा सहजिकरण गरेका थिए। कार्यक्रममा क्याम्पसका प्राध्यापक र बिद्यार्थी सहित ३५ जना सहभागी रहेको सहायक क्याम्पस प्रमुख चित्र बहादुर श्रेष्ठले जानकारी दिए।