पोखरा, पोखरा महानगरपालिका वडानं १३, आर्वास्थित अमलाचौर चापडाँडा टोल विकाश संस्थाको अध्यक्षमा लक्ष्मण प्रसाद बराल सर्वसम्मत चयन भएका छन बिगत दुई वर्षदेखि रिक्त रहेको समितिमा यही बैशाख १२ गते बसेको टोलका बासिन्दाहरुको भेलाले बराल अध्यक्ष रहेको नयाँ कार्यसमिति चयन गरेको हो ।

बैशाख १९ गते देखि पूर्णता पाउने गरी गठित टोल विकास संस्थाको उपाध्यक्षमा रिता बराल, सचिबमा तोरण बहादुर बिक, सहसचिवमा ऋषिराम पराजुली र कोषाध्यक्षमा अमृत परियार चुनिए । कार्यसमिति सदस्यहरूमा सूर्य बहादुर परियार, लक्ष्मी देबकोटा, शारदा बराल र रोशनराज बराललाई चयन गरिएको छ ।

समितिको सल्लाहकारहरुमा टेकनाथ बराल, हरिबहादुर बराल, इन्द्रराज बराल, हरिप्रसाद बराल र बिष्णु अधिकारी छन् ।  नवगठित संस्थाका अध्यक्ष लक्ष्मण प्रसाद बरालले आफ्नो नेतृत्वले टोलको समग्र बिकाश निर्माण देखि नमुना टोल बनाउने अभियानमा सबै टोलबासीलाई एकतावद्ध भएर लाग्न आव्हान गरेका छन ।