काठमाडौं, काठमाडौँ उपत्यका ट्राफिक प्रहरी कार्यालयमा कार्यरत प्रहरी निरीक्षक (इन्स्पेक्टर) अभय लामाको ट्रकको ठक्करको कारण मृत्यु भएको छ ।

रामेछापको लिखु तामाकोशी गाउँपालिका–४ घर भएका ३३ बर्षीय इन्स्पेक्टर लामा गत चैत २९ गते अर्थात् आइतबार ट्रकको ठक्करबाट गम्भीर घाइते भएका थिए । गम्भीर घाइते भएका लामाको ललितपुरको ग्वार्कोस्थित ‘बी एण्ड बी’ अस्पतालमा उपचार भैरहेको थियो

आइतबार घाइते भएका लामाको उपचारको क्रममा मंगलबार मृत्यु भएको उपत्यका ट्राफिक प्रहरी कार्यालय काठमाडौँका प्रमुख नवराज अधिकारीले  जानकारी दिएका छन ।

गत आइतबार राति इन्स्पेक्टर लामा सवार बा प्र० २-०२९ प ९४१५ नम्बरको मोटरसाइकललाई बा प्र ०३-००१ ख १७१५ नम्बरको ट्रकले ठक्कर दिंदा उनि गम्भीर घाइते भएका थिए।