पोखरा, बैदेशिक रोजगार ब्यबसायमा लामो समयदेखि संलग्न अन्जु गिरीले नयाँ कम्पनीको रुपमा नारायणी रिक्रुटमेन्ट प्रालि संचालनमा ल्याएकी छन। काठमाडौँको महाराजगंज चोक नजिकै कार्यालय स्थापना गरेर नारायणी रिक्रुटमेन्ट प्रालिले बैदेशिक रोजगार सम्बन्धि सेवा शुरु गरिसकेको बुझिएको छ।

कास्कीको पोखरा, झापाको बिर्तामोड र इलामको फिक्कल लगायतका स्थानमा शाखा कार्यालय बिस्तार गरेर काठमाडौँ बाहिरका मानिसहरुलाई समेत सेवा दिने आंफ्नो सोचाई रहेको नारायणी रिक्रुटमेन्टको अध्यक्ष समेत रहेकी गिरीले गुरुकुल खबरलाई जानकारी दिईन।

तनहुँको दमौली घर भएपनि बिगत डेढ दशकसम्म बैदेशिक रोजगार व्यवसायमा सक्रिय रहँदै आएकी गिरीले यस अगाडी पाथिभरा एचआर सोलुसन लगायतका कम्पनि संचालन गरेर बैदेशिक रोज्जगार सम्बन्धि सेवा दिंदै आएकी थिईन।

तर, अहिले नयाँ कम्पनीको रुपमा नारायणी रिक्रुटमेन्टको स्थापना गरेर सोहि कम्पनिबाट बिभिन्न मुलुकमा काम गर्ने प्रयोजनको लागि नेपालीहरु पठाउन लागेको उनको भनाई छ ।

नारायणी रिक्रुटमेन्टको माध्यमबाट यूरोपका बिभिन्न मुलुकहरु सहित जापान, कोरिया, मलेसिया, दुबई, कतार लगायतका मुलुकमा कामदारको रुपमा मानिसहरु पठाइने बताइएको छ। यसका साथै जापानिज र कोरियन लगायतका भाषा कक्षा समेत सोहि कार्यालयबाट संचालन गरिने भएको छ।

केहि दिन अगाडी मात्र कार्यालय स्थापना गरिएको भएपनि अहिले ग्रिस र काजकिस्तान लगायतका मुलुकमा कामको लागि जान चाहनेहरुको लागि माग आएको र केहि मानिसहरुलाई कामको लागि ति मुलुकमा पठाउन आबश्यक प्रक्रिया शुरु भैसकेको गिरीले बताइन।

गिरिले बैदेशिक रोजगार ब्यबसायी संघको कार्यसमितिको सचिब र कोषाध्यक्ष लगायत बिभिन्न जिम्मेवारी रहेर काम गरिसकेकी छन। उनको काठमाडौँमा रेस्टुरेन्ट ब्यबसाय पनि संचालनमा रहेको छ।