पोखरा, नेपाली काँग्रेसका संस्थापक एबम प्रथम जननिर्वाचित प्रधानमन्त्री बिपी कोइरालाको ४२ औं स्मृति दिवसको सन्दर्भमा नेपाली काँग्रेस कास्की क्षेत्र न. ३ प्रदेश ख को आयोजनामा वृक्षरोपण कार्यक्रम सम्पन्न भयो।
पोखरा महानगरपालिका-२३ सिद्धबराह तपोवन क्षेत्र, माझथुममा आयोजना गरिएको वृक्षरोपण कार्यक्रमको लागि बिभिन्न जातका १ सय ५० जति बिरुवा लगिएकोमा केहि बिरुवा आइतबार नै रोपिएको थियो भने केहि बिरुवा आबश्यकता अनुसार जग्गाको ब्यबस्थापन गरि केहि दिन भित्र रोप्नको लागि हस्तातरण गरिएको छ।
सिद्दबराह तपोवन क्षेत्रमा हाल १ सय ८ फीटको हनुमानको मुर्ति सहित अन्य मन्दिरहरु पनि निर्माण र बिस्तारको क्रममा रहेका छन् भने त्यहाँ संचालित गुरुकुलमा बिभिन्न जिल्लाबाट आएका ससाना बिद्यार्थीहरु अध्ययनरत छन।
वृक्षरोपण गर्नुपुर्व आयोजित समारोहमा नेपाली काँग्रेसका केन्द्रीय सदस्य शारदा पौडेल, प्रदेश ख का सभापति जीवनाथ पौडेल ‘शंकर’, पोखरा महानगरपालिका -२३ का वडाध्यक्ष रामकाजी गुरुङ, नेपाली काँग्रेस पोखरा -२३ का सभापति भरत भण्डारी र प्रदेशका सचिब बाबुराम भण्डारी लगायतले बिपी कोइरालाको व्यक्तित्व र कृतित्वबारेमा चर्चा गरेका थिए। कार्यक्रममा सिद्दबराह गुरुकुलका प्रधानाध्यापक हरिलाल पौडेलले बिपी कोइरालाको स्मृतिमा कविता बाचन गरेका थिए।
कार्यक्रममा नेपाली काँग्रेस कास्कीका उपसभापति युवराज कुँवर, पार्टीका गण्डकी प्रदेश सदस्यहरु सिता गुरुङ, जीबन बाँस्तोला, आमन्त्रित सदस्यहरु भेषराज पराजुली र खिमलाल बाँस्तोला, कास्की -३ का क्षेत्रिय सभापति मनोज गुरुङ, जिल्लाका सहसचिब शंकर ढुंगाना सदस्य सिता शर्मा, हरी लामिछाने लगायतको सहभागिता रहेको थियो।
