बार्सिलोना (स्पेन), विभिन्न मुलुकमा रहेका नेपालीहरु विभिन्न ब्यबसायिक क्रियाकलापमा संलग्न हुने क्रममा स्पेनमा रहेका तिन जना युवाले पर्यटकिय शहर बार्सिलोनामा नयाँ ब्यबसाय शुरु गरेका छन।
पोखरा -१३ आर्बा घर भई करिब एक दशकदेखि त्यहाँ रहेका शंकर बराल सहितका युवाको संयुक्त लगानीमा गान्धी इन्डियन रेस्टुरेन्ट एण्ड बार संचालनमा ल्याएका छन । संचालकमा बराल सहित दिनेश गिरि र दिपक बस्नेत रहेका छन ।दिपक बस्नेत पनि पोखराको लेखनाथबाट स्पेन गएर बसेका युवा हुन भने दिनेश गिरीको नेपाल घर रामेछाप हो। गिरीले स्पेनमा अन्य स्थानमा पनि रेस्टुरेन्ट संचालन गर्दै आएका छन ।
बार्सिलोना फुटबल क्लबको नजिकै शुक्रबारबाट संचालनमा आएको उक्त रेस्टुरेन्टमा इण्डियन एब नेपाली खानाका विभिन्न स्वादिष्ट परिकारहरु उपलब्ध हुनेछन ।
करिब २०० जनाको सिट क्षमता भएको र पार्टिहल सहितको सुबिधा रहेको उक्त रेस्टुरेन्टमा विभिन्न संघ संस्थाका बैठक, भेला, बिबाह, ब्रतबन्ध सहित उत्सब मनाउने र रमाइलो कार्यक्रम गर्न सकिने हल तथा क्याटरिंग सहितको सुबिधा रहेको संचालक शंकर बरालले गुरुकुल खबरलाई जानकारी दिए ।
