पोखरा, पोखराबाट सुर्खेत जाँदै गरेको ग१ख ८४८५ नम्बरको बस पूर्वपश्चिम राजमार्गस्थित लमहीमा सोमबार विहान दुर्घटनामा परेको छ । घटनामा परी १४ यात्रु घाइते भएका छन् ।

घाइतेहरुको लमही अस्पतालमा उपचार भइरहेको छ । बसमा १६ जना यात्रु सवार रहेको प्रहरीले जनाएको छ । बसमा सवार अन्य दुइ जना सकुशल रहेको प्रहरीले जानकारी दिएको छ।

पूर्वपश्चिम राजमार्ग अन्तर्गत लमही–४ बन गाउँको बबइसोता पुलको साइडमा बस दुर्घटनामा परेको र सडकबाट बस १० मिटर तल खसेको जिल्ला प्रहरी कार्यालय दाङले जानकारी दिएको छ ।

प्रहरीले चालक रामेछापको सुनपति गाउँपालिका–३ का ३३ वर्षीय रामकृष्ण खड्कालाई पक्राउ गरेको छ । बस लमही नगरपालिका–४ बनगाउँस्थित बबई सोता पुलबाट खसेर दुर्घटना भएको हो ।

Pictures:Routine News of Lamahi