पोखरा, पोखराका युवा उधमी किरण केसी नेपाली काँग्रेसको महाधिबेशन प्रतिनिधि बन्ने अभियानमा लागेका छन। पोखराको हिमश्री फुड्स, माछापुच्छ्रे बैंक, सनलाइफ इन्स्योरेन्ससहित बिभिन्न हाइड्रोपावरहरुमा संलग्न किरण केसी पोखराबाट उदाएका राष्ट्रिय उधमीको रुपमा परिचित छन।
युवा र सर्बसाधारणसंग समेत सहज र सरल ढंगको व्यवहार गर्ने केसीलाई कांग्रेस भित्र पनि राजनीतिक सम्भावना बोकेको मिलनसार युवाको रुपमा लिने गरिन्छ।
मुलुकको आर्थिक समृद्धिको लागि नेपाली काँग्रेसले अबलम्बन गर्ने नीति उपयुक्त रहेको भन्दै केसीले उधोग ब्यबसायसंगै राजनीतिमा पनि निरन्तरता दिन चाहेको कारण केन्द्रीय महाधिबेशन प्रतिनिधि पदमा उमेदवारी दिएको बताए।
नेपाली काँग्रेसको १४ औं महाधिबेशनबाट पनि केन्द्रीय महाधिबेशन प्रतिनिधिमा लोकप्रिय मत पाएर निर्बाचित भएका केसी यसपटक पनि खुल्ला तर्फबाट केन्द्रीय महाधिबेशन प्रतिनिधिको उमेदवार बनेका हुन।
गुरुकुल खबरसंग कुरा गर्दै उनले बिभिन्न वडाबाट क्षेत्रिय प्रतिनिधि बनेर आएका मतदाता समक्ष महाधिबेशनबाट पार्टीको लागि आबश्यक, योग्यता र क्षमातवान उमेदवारहरुलाई जिताउन समेत आग्रह गरेका छन ।
कास्की -२ मा नेपाली काँग्रेसका नेताहरु देवराज चालिसे र शुक्रराज शर्मा सहितको एउटा र बिन्दु थापा लगाएतका नेताले अर्को प्यानल बनाएर चुनाबी प्रतिष्पर्धामा जाँदै गर्दा केसीलाई दुवै समुहले प्यानलमा राख्न चाहेको बुझिएको छ।
पोखरामा रहेर राजनीतिसंगै ब्यबसायिक क्षेत्रमा सफलता प्राप्त गरेका बुवा सुर्यबहादुर केसीको प्रेरणाले राजनीति र ब्यबसायमा जोडिएका किरण केसी बुवाको निधन पछि कांग्रेसको राजनीतिमा सक्रिय बनेका हुन। उनका बुवा सुर्यबहादुर केसी नेपाली काँग्रेसको आमन्त्रित केन्द्रीय सदस्य र प्रतिनिधिसभाको सदस्य समेत बनेका थिए।
कास्की क्षेत्र न. २ अन्तर्गत पोखरा महानगरपालिकाका ११ वटा वडा रहेको र ति वडाबाट ५ सय ३४ जना क्षेत्रिय प्रतिनिधि रहेकोमा क्षेत्रिय सभापतिले मनोनित गरेका १० जना सहित कुल मतदाताको संख्या ५ सय ४४ रहेको निर्बाचन अधिकृत गणेश कार्कीले गुरुकुल खबरलाई जानकारी दिए ।
