पोखरा, प्रधानमन्त्री बालेन्द्र शाह (बालेन) काठमाडौँबाट सडकमार्ग हुँदै कास्कीको माछापुच्छ्रे गाउँपालिका- ६ अस्ताम पुगेका छन। निजि भ्रमणको शिलशिलामा शुक्रबार बिहान काठमाडौँबाट निस्केका प्रधानमन्त्री बालेन्द्र धादिंगस्थित नेपाली सेनाको ब्यारेकमा केहि समय बिताएर पृथ्वीराजमार्ग हुँदै पोखरा आइपुगेका थिए।
उनि पोखरासंगै जोडिएको माछापुच्छ्रे गाउँपालिकाको अस्तामस्थित अन्नपूर्ण इको भिलेजमा बास बसेका सुरक्षा अधिकारीले पुष्टि गरेका छन ।शुक्रबार अस्ताममा बास बसेका प्रधानमन्त्री शाह शनिबार मुस्तांग जाने कार्यक्रम छ। पोखराबाट हेलिकप्टरमार्फत मुस्ताङ जाने गरी आवश्यक तयारी गरिएको बताइएको छ ।
अस्तामस्थित अन्नपूर्ण इकोभिलेजबाट मौसम खुल्दा अन्नपूर्ण हिमश्रृंखला देखिन्छ। सोही स्थानबाट पोखराको हेमजा बजारको दृश्य समेत अवलोकन गर्न सकिन्छ। प्रधानमन्त्री बस्ने भनिएपछि उक्त रिसोर्टले अन्य पाहुनाको लागि बुकिङ नलिइएको बताइन्छ ।
प्रधानमन्त्रीको निजी भ्रमण भएकाले सुरुमा सुरक्षा निकायलाई यसबारे पूर्व जानकारी थिएन।,सुरक्षा निकायका एक अधिकारीका अनुसार उनी पोखरा आइपुगेपछि मात्र भ्रमणबारे जानकारी सम्बन्धित सुरक्षा अधिकारीलाई जानकारी गराइएको हो।
प्रधानमन्त्री शाहको आगमनसँगै इकोभिलेज र आसपासको क्षेत्रमा सुरक्षा व्यवस्था कडा पारिएको छ। प्रधानमन्त्री शाहसंगै उनकी श्रीमती सविना काफ्ले र छोरी पनि रहेका छन। उनी मुस्ताङ जाने र आइतबार फर्कने कार्यक्रम रहेको बुझिएको छ ।
