पोखरा, कास्कीमा नयाँ प्रमुख जिल्ला अधिकारी आउने भएका छन । बिगत एक बर्षभन्दा बढी समय कास्कीको प्रमुख जिल्ला अधिकारीको रुपमा कार्यरत रुद्रादेवी शर्माको धनकुटा जिल्लामा सरुवा भएपछि रिक्त रहेको कास्कीको प्रमुख जिल्ला अधिकारीमा कुमानसिंह गुरुङको सरुवा भएको हो। गृह मन्त्रालयको निर्णय अनुसार शर्माको धनकुटामा र गुरुङको कास्कीमा प्रमुख जिल्ला अधिकारीको रुपमा सरुवा भएको छ ।

गुरुङले सम्भवत सोमबार देखि कास्की जिल्ला प्रशासन कार्यालयको जिम्मेवारी सम्हाल्ने छन । उनेल केहि समय अगाडी पोखरामा रहेर पनि काम गरेका थिए। उनि गण्डकी प्रदेशको उधोग, पर्यटन बन तथा बाताबरण मन्त्रालयको सचिबको रुपमा समेत काम गरेका थिए । गृह मन्त्रालयले १८ जना सहसचिवको सरुवा तथा पदस्थापना गर्ने क्रममा शुक्रबार १२ जना प्रमुख जिल्ला अधिकारी (सीडीओ) र ६ जना सहसचिवको सरुवागर्ने क्रममा गुरुङ र शर्माको पनि सरुवा गरेको हो ।

मन्त्रालयले सहसचिव निराजन घिमिरेलाई स्याङ्जा, लक्ष्मी पाण्डे गौतमलाई धादिङको प्रमुख जिल्ला अधिकारीमा पदस्थापना गरेको छ । यस्तै स्याङ्जाका सीडीओ ईश्वरीप्रसाद अर्याललाई सङ्खुवासभा, नवलपरासी (बर्दघाट सुस्तापूर्व)का सीडीओ भविश्वर पाण्डेलाई पाल्पा, सुर्खेतका सीडीओ जगदीश्वर उपाध्यायलाई नलपलपरासी (बर्दघाट सुस्तापूर्व), रामेछापका सीडीओ श्यामकृष्ण थापालाई सप्तरी र सङ्खुवासभाका सीडीओ सिर्जना थपलियालाई त्रिभुवन अन्तर्राष्ट्रिय विमानस्थल अध्यागमन कार्यालय काठमाडौँ सरुवा गरिएको छ ।