काठमाडौँ, सिद्धार्थ बैंकले नेपाल धितोपत्र बोर्डबाट अग्राधिकार सेयर जारी गर्ने अनुमति पाएको छ। यस सँगै अग्राधिकार सेयर जारी गर्नको लागि अनुमति पाउने बैंकको संख्या चार पुगेको छ।

धितोपत्र बोर्डले सोमबार सिद्धार्थ बैंकलाई ३ अर्ब ५० करोड रुपैयाँ बराबरको अग्राधिकार सेयर जारी गर्न अनुमति दिएको हो । बैंकले १०० रुपैयाँ अंकित दरमा कुल ३ करोड ५० लाख कित्ता अग्राधिकार सेयर जारी गर्नेछ।

सिद्धार्थ बैंकको अग्राधिकार सेयरको लाभांश दर ८.२५ प्रतिशत तोकिएको छ र यो लाभांश केवल मुनाफा भएको वर्षमा वितरण गरिनेछ। अग्राधिकार सेयरको बिक्री प्रबन्धकको जिम्मेवारी एनएमबि क्यापिटलले पाएका छन्।

यस अगाडी वाणिज्य बैंकतर्फ नबिल बैंक र एनएमबि बैंकले तथा विकास बैंकतर्फ कामना सेवा विकास बैंकले अग्राधिकार सेयर जारी गर्ने अनुमति पाइसकेका छन्।

यसअघि नबिल बैंकले ५ अर्ब रुपैयाँ, एनएमबि बैंकले ३ अर्ब रुपैयाँ र कामना सेवा विकास बैंकले ३५ करोड रुपैयाँ बराबरको अग्राधिकार सेयर जारी गर्ने अनुमति पाएका थिए।