पोखरा, बुद्ध विशाल बजार व्यापरिक एशोसियसनको उपाध्यक्षमा मनोहरि पौडेललाई चयन गरिएको छ। एशोसियसनको १४ औं अधिवेशनमा उपाध्यक्षका उमेदवार रहेका राजु केसीको उमेदवारी एशोसियसनको बिधान अनुसार नभएको कारण बदर भएपछि  एशोसियसनको विधान अनुसार पौडेललाई उपाध्यक्ष पदमा चयन गरिएको संस्थाका अध्यक्ष बुद्विवहादुर कुँवरले गुरुकुल खबरलाई जानकारी दिए ।

बुद्ध विशाल बजार व्यापारिक एशोसियसनका प्रवक्ता समेत रहिसकेका पौडेल हाल पोखरा उद्योग वाणिज्य संघको कार्यसमिति सदस्य पनि हुन । एसोसियसनको उपाध्यक्षमा चयन भए पछि पौडेलले एशोसियसनको निर्वाचनमा निर्वाचन समितिका संयोजकले आफुलाई पुर्वाग्रहपुर्ण रूपले अन्याय गरेको तर एशोसियसनको विधान अनुसार जिल्ला प्रशासन कार्यालय कास्कीले आफुलाई न्याय दिएको भन्दै आभार व्यक्त गरे ।

एशोसियसनको उपाध्यक्ष पदमा रहदा संस्थागत विकास र बुद्ध विशाल बजारका व्यवसायीहरूको हकहितका लागि निरन्तर काम गर्ने प्रतिबद्धता उनले जाहेर गरेका छन् ।

हालै सम्पन्न बुद्ध विशाल वजार व्यापारिक एसोसियसनको २७ औं वार्षिक साधारण सभा एवं १४ औं अधिवेशनले अध्यक्षमा बुद्धिबहादुर कुँवर महासचिवमा थमनसिंह गुरुङ, सचिवमा शान्ति श्रेष्ठ, कोषाध्यक्षमा गोविन्द दाहाल तथा सदस्यहरुमा कृष्ण कुँवर, अनु थापा, शम्भु खत्री संजय श्रेष्ठ, प्रकाश पौडेल, दिनेश गुरुङ, ईन्द्रमाया गुरुङ र लक्ष्मण आचार्यलाई निर्वाचित गरेको थियो । उपाध्यक्षमा निर्बाचित भनिएका राजु केसीको उमेदवारी बिधान बिपरित भएको भन्दै खारेज गरिएपछि पौडेल उपाध्यक्ष बनेका हुन्।