बिराटनगर, अविरल वर्षासँगै आएको बाढि तथा पहिरोमा परि देशभर कम्तिमा ४९ जनाको मृत्यु भएकोमा इलाममा मात्र ३७ जनाको मृत्यु भएको र १ जना बेपत्ता भएको खबर छ । यस्तै इलामको सूर्योदय नगरपालिका – ९ बाट दशैँ मान्न भारतको मिरिकमा पुगेकी एक महिलाको पनि सोहिस्थानमा गएकाे पहिरोमा परी मृत्यु भएपछि मृत्यु हुने इलामबासीको सङ्ख्या ३८ पुगेको इलामको प्रमुख जिल्ला अधिकारी सुनिता नेपालले जानकारी दिएकी छन ।

अहिले इलाममा केही घाइतेहरुलाई नेपाली सेनाको हेलिकप्टरबाटै उद्धार गरिएको छ भने अधिकांश सडकहरू अवरुद्ध भएका छन् पहिरोका कारण पुलहरू पनि बगेका छन । बाढी र पहिरोका कारण कतिपय घरबार बिहिन बनेको छन भने कतिपयको चौपाया समेत बगाएको छ जसका कारण इलामको जनजीवन अस्तव्यस्त बन्न पुगेको छ ।

शुक्रबारदेखि भैरहेका विपद्का घटनामा इलाममा ३७ जनासहित कुल ४९ जनाको मृत्यु भएको प्रहरीले जनाएको छ । सशस्त्र प्रहरीले आइतबार दिउँसो उपलब्ध गराएको विवरणअनुसार इलाममा ३७ जनाको मृत्यु भएको छ भने १ जना बेपत्ता भएका छन् । यस्तै ७ जना घाइते भएको सशस्त्र प्रहरीका सहप्रवक्ता शैलेन्द्र थापाले जानकारी दिए । यस्तै उदयपुरमा २, खोटाङमा १, पाँचथरमा ६, रौतहटमा ३ जनाको मृत्यु भएको छ । मृत्यु हुनेमा अधिकांश बाढी पहिरोमा परेका हुन् भने केहीको चाँही चट्याङ र दुर्घटनामा परेर मृत्यु भएको हो ।