पोखरा, नेपाली कांग्रेसले यस अगाडिको सरकारका प्रधानमन्त्री, गृहमन्त्रीसहित पाँच पदाधिकारीको राहदानी रोक्का गरिएको घटना प्रति विरोध जनाएको छ ।

सुशिला कार्की नेतृत्वको वर्तमान सरकारले यस अगाडीको सरकारका प्रधानमन्त्री एबम नेकपा एमालेका अध्यक्ष केपी ओली, तत्कालिन गृहमन्त्री एबम नेपाली काँग्रेसका केन्द्रीय सदस्य रमेश लेखक, काठमाडौँका प्रमुख जिल्ला अधिकारी लगायत पांच जनाको राहदानी रोक्का गर्नुको साथै काठमाडौँ उपत्यका छोड्नुपर्दा पनि सरकारको अनुमति लिनुपर्ने भन्ने निर्देशन जारी गरेको छ।

नेपाली कांग्रेसको केन्द्रीय कार्यालयका मुख्यसचिव कृष्णप्रसाद पौडेलले प्रेस विज्ञप्ति जारी गरी दण्डहीनतालाई प्रोत्साहन र दलहरूप्रति प्रतिशोधपूर्ण राजनीति नगर्न अन्तरिम सरकारलाई ध्यानाकर्षण गराएको छ ।

गत भदौ २३ र २४ गतेको घटनाको सम्बन्धमा सरकारबाट गठित जाँचबुझ आयोगबाट राहदानी रोक्का र अनुमति नलिइ काठमाडौँ उपत्यका बाहिर जान नमिल्ने गरी सिफारिस गरिएको थियो ।

आयोगले गरेको उक्त निर्णयको नेकपा एमालेले पनि यस अगाडी नै बिरोध जनाईसकेको छ।