पोखरा, मुलुकको प्रमुख पर्यटकीय नगर पोखरामा चौथो अन्तराष्ट्रिय पर्वतीय क्रस–कन्ट्री दौड प्रतियोगिता हुने भएको छ । आगामी असोज ११ गते अर्थात सेप्टेम्वर २७ तारिखका दिन हिमालयन टुरिजम फोरमको आयोजना र युन्नान माउन्टेनियरिङ एन्ड आउटडोर स्पोट्र्स एसोसिएसनको सहकार्यमा पोखराको घारीपाटनमा उक्त प्रतियोगिता हुन लागेको हो ।

उक्त प्रतिष्ठित दौडमा नेपाल र चीनका खेलाडीहरूको उत्साहजनक सहभागिता रहनेछ, जसले खेलकुदका माध्यमबाट दुई देशबीचको सम्बन्धलाई थप बलियो बनाउने लक्ष्य राखेको छ । पोखराको ग्लोबल प्रोफाइललाई बढावा दिन तथा पोखरालाई प्रमुख खेलकुद पर्यटन गन्तव्यको रूपमा प्रवद्र्धन गर्न हरेक वर्ष खेलको आयोजना गर्ने गरिएको आयोजकले जनाएको छ ।

२० समुह सहभागी हुने खेलमा प्रथम हुने लाई ४५८,४०० रुपैंया (२४,००० आरएमबी), दोस्रो हुने लाई ३४३,८०० रुपैँया (१८,००० आरएमबी), तेस्रो हुने लाई २२९,२०० रुपैँया (१२,००० आरएमबी), चौथो हुने लाई १५२,८०० रुपैँया (८,००० आरएमबी) पाँचौँ हुने लाई ९५,५०० रुपैँया (५,००० आरएमबी) नगद पुरस्कारको व्यवस्था रहेको छ । च्यालेन्ज इन्डिभिजुअल समूहः शीर्ष दश पुरुष र महिला खेलाडीहरूले नगद पुरस्कार, मेडल र प्रमाण पत्र पाउने व्यवस्था रहेको छ।

प्रथम स्थान प्राप्त गर्ने पुरुष र महिलालाई १५२,८०० रुपैँया (८,००० आरएमबी), दोस्रो स्थान प्राप्त गर्ने पुरुष र महिलालाई ११४,६०० रुपैँया (६,००० आरएमबी), तेस्रो स्थान प्राप्त गर्ने पुरुष र महिलालाई ७६,४०० रुपैँया (४,००० आरएमबी) चौथो देखि सातौ स्थान प्राप्त गर्ने पुरुष र महिलाहरुलाई ३८,२०० रुपैँया (२,००० आरएमबी),आठौँ देखि दशौँ स्थान प्राप्त गर्ने पुरुष र महिलाहरूलाई १९,१०० रुपैँया (१,००० आरएमबी), टिम समुह र च्यालेन्ज इन्डिभिजुअल समुहमा निर्धारित समयमा दौड समाप्त गर्ने सबै खेलाडीहरूले मेडल र प्रमाण पत्र प्राप्त गर्नेछन् ।

विद्यार्थी दौडः शीर्ष ६ पुरुष र महिला विद्यार्थी खेलाडीहरूले नगद पुरस्कार, मेडल र प्रमाण पत्र पाउने व्यवस्था रहेको छ । प्रथम स्थान प्राप्त गर्ने पुरुष र महिला खेलाडीहरुलाई ३०,००० रुपैयाँ, दोस्रो स्थान प्राप्त गर्ने पुरुष र महिला खेलाडीहरुलाई २५,००० रुपैयाँ, तेस्रो स्थान प्राप्त गर्ने पुरुष र महिला खेलाडीहरुलाई २०,००० रुपैयाँ, चौथो देखि छैठौं स्थान प्राप्त गर्ने पुरुष र महिला खेलाडीहरुले १०,००० रुपैयाँ प्राप्त गर्ने व्यवस्था रहेको छ । प्रतियोगिताले दुवै राष्ट्रका खेलाडीहरू र नागरिकहरूलाई सामूहिक समृद्धिको लागि प्रेरित गर्दै खेलकुदको माध्यमबाट दुई देशबीचको सम्बन्धलाई प्रगाढ बनाउन महत्वपूर्ण योगदान दिने विश्वास गरिएको छ ।