मुस्ताङ, हिमाली जिल्ला मुस्ताङको एकमात्र तेजनिरला जनहित बहुमुखी क्याम्पसमा स्वतन्त्र विद्यार्थी युनियन (स्ववियु) को नेतृत्व सर्वसम्मत चयन गरिएको छ । आगामी चैत ५ गते हुने निर्वाचन कार्यतालिका अन्तर्गत सोमबार उक्त क्याम्पसमा आपसमा सहमति गरेर मनोनयपत्र दर्ता गरिएको हो दर्ता भएका विद्यार्थी संघ/संगठनबिचको सहमतिमा सर्वसम्मत नेतृत्व चयन गरेर सोहि अनुसार उमेद्वारी दर्त गरिएको हो ।
क्याम्पस प्रमुख एवं निर्वाचन अधिकृत अधितीयचन्द्र थकालीका अनुसार आगामी चैत ५ गते हुने स्ववियु निर्वाचन कार्यक्रम अगावै मुस्ताङको उक्त क्याम्पसमा मनोनयपत्र दर्ता गर्ने दिन आजै दर्ता भएका सङ्घ/सङ्गठनको सहमतिमा सर्वसम्मत नेतृत्व चयन भएको हो ।
नौ जनाको कार्यसमितिमा सभापति सहित चार जना नेकपा एमाले समर्थित अनेरास्ववियुबाट र उपसभापति सहित चार जना नेपाली काँग्रेस समर्थित नेविसंघबाट प्रतिनिधित्व गरेका छन । नेकपा एकीकृत समाजबादी समर्थित अनेरास्ववियुबाट एक जनालाई स्ववियुको सदस्यमा राखिएको छ ।
जस अनुसार उक्त सामुदायिक क्याम्पसको स्ववियु सभापतिमा नेकपा (एमाले) निकट अनेरास्ववियुकी अञ्जु परियार सर्वसम्मत निर्वाचित भएकी छिन् । उपसभापतिमा नेपाली कांग्रेस निकट नेविसङ्घका सुदीप भर्ती थकाली, सचिवमा उपदेश चौधरी (नेविसङ्घ), सहसचिवमा धीरज परियार (अनेरास्ववियु) र कोषाध्यक्ष पदमा निशा गौचन (नेविसंघ) सर्वसम्मत निर्वाचित भए ।
यसैगरी सदस्यमा नेकपा (एकीकृत समाजवादी) निकट अनेरास्ववियुबाट देवराज लामिछाने, अनेरास्ववियुबाट अशोक भण्डारी र कमल गुरुङ, नेविसङ्घबाट मनिका विक निर्वाचित भएकी क्याम्पस प्रमुख थकालीले जानकारी दिए ।
