पोखरा, पोखरा महानगरपालिकाको वडा न. १८ मा पर्ने सेदीमा नयाँ प्रहरी बिटको स्थापना गरिएको छ । एनपिआर सिसिटीभी समेत जडान गरिएको उक्त नवनिर्मित प्रहरी विटको गण्डकी प्रदेशका प्रहरी प्रमुख (डिआइजी) प्रहरी नायव महानिरीक्षक भोला बहादुर रावलले उद्घाटन गरेका थिए ।
स्थानीय बासिन्दाहरुको सहयोगमा निर्माण गरिएको उक्त बिटमा जडान गरिएका आधुनिक क्यामराहरुबाट रातिको समयमा पनि त्यस क्षेत्रको अबस्थालाइ निगरानी गर्न सकिने छ विभिन्न स्थानमा जडान गरिएका १२ वटा सिसि क्यामराहरु मार्फत त्यस क्षेत्रको अनुगमन सोहि बिटबाट गर्न सकिने भएको छ ।
त्यस अबसरमा बोल्दै रावलले पर्यटकीय नगरी पोखरामा शान्ति सुरक्षा कायम गर्न प्रविधिको प्रयोग गर्नुपर्ने आबश्यकता रहेको बताए ।
कास्की प्रहरी प्रमुख ओलीयाले स्थानीय जनता र सबैको सहयोगमा डिजिटल चेकपोष्टको रुपमा विटको स्थापना गरिएको बताए ।
पोखरा महानगरपालिका वडा नम्बर ६ का सदस्य रमेश थापाको अध्यक्षतामा भएको कार्यक्रममा जिल्ला प्रहरी कार्यालय कास्कीका प्रमुख एबम प्रहरी उपरीक्षक श्याम बाबु ओलिया, सामुदायिक सेवा केन्द्र जिल्ला समन्वय समिति कास्कीका अध्यक्ष भीम पराजुली र बिभिन्न संघ संस्थाका प्रमुख तथा पदाधिकारी, बिभिन्न आमा समूहका अध्यक्ष तथा पदाधिकारीहरुको उपस्थिति रहेको थियो ।
