पोखरा, प्रेस चौतारी नेपाल कास्कीले संचालान गर्दै आएको ‘प्रेस चौतारी पत्रकारिता पुरस्कार’ यस वर्ष पोखरामा रहेर पत्रकारिता गरिरहेका ईन्द्रप्रसाद पौडेललाई प्रदान गरिने भएको छ भने प्रेस चौतारी पत्रकारिता सम्मान २०८१’ काठमाडौँमा कार्यरत पत्रकार गणेशमान गुरूङलाई अर्पण गरिने भएको छ । प्रेस चौतारीको २७ औं स्थापना दिवसको अवसरमा कास्की शाखाले पुरस्कार एवं सम्मान अर्पण गर्न लागेको हो । पुरस्कारको राशी २२ हजार २ सय २२ रहेको छ ।

प्रेस चौतारी नेपालका पूर्व केन्द्रीय उपाध्यक्ष तथा सल्लाहकार शान्ति गुरूङ संयोजक, पूर्व पुरस्कृत व्यक्तित्व केशव पाठक र अग्रज केशवशरण लामिछाने सदस्य तथा कार्यवाहक अध्यक्ष मोतिसागर अधिकारी र सचिव रञ्जन अधिकारी पदेन सदस्य रहेको प्रतिभा छनौट समितिले पौडेललाई पुरस्कृत र गुरूङलाई सम्मान गर्ने निर्णय गरेको सचिब अधिकारीले गुरुकुल खबरलाई जानकरी दिए ।

२६ वर्षदेखि पत्रकारितामा क्रियाशील गुरुङ स्याङ्जा सिरूबारी जन्मिएका गुरूङले २०५५ सालमा पोखरा हटलाइन दैनिकबाट पत्रकारिता सुरू गरेका थिए । गुरूङ पोखराका विभिन्न संचार माध्यम हुँदै हाल काठमाडौँको सगरमाथा टेलिभिजनमा आबद्ध रहेका छन।

पत्रकार इन्द्रप्रसाद पौडेल २१ वर्षदेखि पत्रकारितामा संलग्न छन । २०६० सालमा समाधान र पोखरा हटलाइन दैनिकमा संवाददाता र फोटो पत्रकारिता गरेका पौडेल २०६२ सालदेखि कान्तिपुर टेलिभिजनमा आबद्ध छन् । उनि प्रेस चौतारी नेपाल गण्डकी प्रदेश कमिटीको अध्यक्ष, नेपाल पत्रकार महासंघ गण्डकीको पूर्व सचिव समेत हुन ।

प्रेस चौतारी कास्कीले राजु भण्डारी, सावित्री खनाल, हुम गुरूङ र मीना गुरूङलाई संस्थागत योगदानको कदर गर्दै सम्मान गरिसकेको छ ।

प्रेस चौतारी पत्रकारिता पुरस्कारबाट पत्रकारहरु संस्थापक अध्यक्ष पुण्य पौडेल, माधव शर्मा, रुद्रबहादुर थापा, नवराज सुवेदी, हरि बास्तोला, बद्रीबिनोद प्रतीक, खेम सारु, दुर्गा भण्डारी, निमदत्त सुवेदी, श्रीराम सिग्देल र शान्ति गुरुङ पुरस्कृत भइसकेका छन् । यसैगरी, रामकृष्ण ज्ञवाली, श्याम कुँवर, दीपेन्द्र श्रेष्ठ, केशव पाठक, सुष्मा पौडेल र माधव बराल पनि पुरस्कृत भएका छन् ।

यसैबीच, सम्मान तथा पुरस्कार अर्पण समारोहलाई व्यवस्थित बनाउन विभिन्न उपसमितिसमेत गठन गरिएको छ । सोहि दिन स्थानीय तहसँगको समन्वयमा अन्तरक्रिया र प्रेस चौतारी कास्कीको नवौं अधिवेशनबाट नयाँ नेतृत्व पनि चयन गर्ने कार्यक्रम रहेको सचिव अधिकारीले जानकारी दिए ।

अधिबेशनबाट अध्यक्ष बन्नको लागि हालका उपाध्यक्ष मोतिसागर अधिकारी र सचिब रन्जन अधिकारी इक्षुक रहेको बताईएको छ।