काठमाडौँ, मुग्लिंग-चितवन सडक खण्डमा पर्ने भरतपुर महनगरपालिका – २९ सत्रकिलोमा यात्रुबाहक बस र इलेक्ट्रिक हायस एक आपसमा ठोकिएर भएको दुर्घटनामा चार जनाको मृत्यु भएको छ भने केहि घाइते भएका छन ।
मुग्लिङबाट नारायणगढ तर्फ आउँदै गरेको बागमती प्रदेश ०६–००१ ज. ०२९८ नम्बरको इलेक्ट्रिक हायस र नारायणगढबाट मुग्लिङ तर्फ जाँदै गरेको बागमती प्रदेश ०३–००१ ख. २८१२ नम्बरको बस एक आपसमा ठोकिएर दुर्घटना भएको थियो।
तस्बिर – रातोपाटी
चितवनका प्रहरी प्रवक्ता एबम प्रहरी नायब उपरिक्षक भेसराज रिजालका अनुसार हायसमा सवार गोर्खा आरुघाट– १ मान्बु बस्ने वर्ष ४० का राज बहादुर गुरुङ, नामथर वतन नखुलेकी अन्दाजी ४० वर्षकी एक महिला, अन्दाजी ३०–३५ वर्षका दुई पुरुषको मृत्यु भएको हो । सो दुर्घटनामा अन्य चार जना घाइते भएकोमा दुई जनाको अवस्था गम्भीर रहेको प्रहरीले जानकारी दिएको छ ।
