पोखरा,  हरितालिका तीजको अवसरमा उद्यमशिलतालाई केन्द्रविन्दुमा राखेर सञ्चालित रेडियो जननी ९०.६ ले तीज संवादः उद्यमीका आवाज कार्यक्रम एवम जननी सम्मान २०८१  सम्पन्न गरेको छ ।

गण्डकी प्रदेशका प्रमुख सचिव लक्ष्मी बस्नेतले प्रदेशको विकास र  महिला सशक्तिकरणमा योगदान पुर्याएको भन्दै जननी सम्मान २०८१ बाट सम्मान गरेको हो ।

कार्यक्रममा प्रमुख अतिथि समेत रहेकी बस्नेतले पछिल्लो समय हरेक तह र तप्कामा महिलाको गर्विलो उपस्थिती हुँदै गएको जनाउँदै अझै पनि महिला माथिको विभेद भने हट्न नसकेको बताईन  ।

उहाँले उद्यमी महिलालाई प्रोत्साहन गर्ने सरकारको नीति रहेकाले महिला दिदिबहिनीलाई उद्यमशिल बन्न प्रेरित गर्दै उनले  रेडियोले तीजपर्वलाई उद्यमशिलता र सशक्तिकरणलाई जोड्दै संवाद कार्यक्रम गर्नु निकै सह्रानीय रहेको बताईन ।

संवाद कार्यक्रममा मनखुशी मल्टिपर्पोज प्रा.लिका संचालक काशी गुरुङ, सन्तोषीमाता हस्तकला उद्योगका संचालक पम्फा थापा, रक्षा चापागाँई स्टोर्सका संचालक रजनी चापागाँइले उद्यमशीलता क्षेत्रमा  भोगेका चुनौतीहरू, सफलताको सूत्र र भविष्यका योजनाको बारेमा आफ्नो धारणा राखेका थिए ।

कार्यक्रमका प्रमुख वक्ताका रूपमा उपस्थित प्रदेश नीति तथा योजना आयोगका पूर्व सदस्य तथा पृथ्वीनारायण क्याम्पसका उपप्राध्यापक डा. शान्ता खत्रीले तीज पर्वको ऐतिहासिकता, यसको बदलिँदो स्वरूप र आधुनिक समयमा महिलाको भूमिकाबारे आफ्नो धारणा राख्नुभयो। उहाँले तीज पर्वलाई परम्परा र आधुनिकताको संयोजनको रूपमा व्याख्या गर्दै महिलाहरूले यसलाई सामाजिक परिवर्तनको माध्यम बनाउनुपर्नेमा जोड दिईन ।

कार्यक्रमको सभापतित्व गरेकी रेडियोकी अध्यक्ष हिरा भट्टराईले रेडियोले पहिलो आवाज उद्यमशिलता, दोस्रो आवाज स्वतन्त्रता र तेस्रो आवाज समानताको लागि भन्ने उदघोषकासाथ संचालित भएको जनाउँदै तीजलाई उद्यमशिलता सँग जोडन उद्यमीका आवाज कार्यक्रमको आयोजना गरेको बताईन  ।

उनले  महिला उद्यमशिलता आजको आवश्यता भएको जनाउँदै उद्यमी महिलाबाटनै समृद्ध देशको परिकल्पना गर्न सकिने समेत उल्लेख गरिन । प्रमखु सचिव लक्ष्मी बस्नेत सबैको प्रेरणा स्रोत भएको जनाउँदै जननी सम्मान २०८१ बाट सम्मान गर्न पाउँदा खुशी लागेको उनको  भनाइ थियो ।

संवाद कार्यक्रमको रेडियो जननीका सिनियर कार्यक्रम प्रस्तोता एवम कार्यक्रम संयोजन जमुना वर्षा शर्माले सहजीकरण गरेकी थिईन ।

कार्यक्रमले महिला उद्यमशीलता र सशक्तिकरणको क्षेत्रमा नयाँ दृष्टिकोण प्रस्तुत गर्दै उद्यमीका आवाज संवाद कार्यक्रमले महिला उद्यमीहरूको आवाज बुलन्द गर्दै समाजमा सकारात्मक सन्देश प्रवाह गरेको उनले जानकारी दिईन ।

विभिन्न क्षेत्रका उद्यमी महिला, सामाजिक अभियन्ता, महिला समुह, सञ्चारकर्मी लगायतको उपस्थिती रहेको कार्यक्रममा संजिवनी नारी समुहले उद्यमशीलतमा आधारित तीज गीत प्रस्तुत गरेका थिए ।