बालटिमोर, अमेरिकाको बालटिमोरमा यही अक्टोबर १५ मा आयोजना हुने छैठौं संस्करणको स्ट्रिट फेष्टिवलको क्रममा संचालन हुने चिल्ड्रन फेसन एक्जिविसनमा सहभागिताका लागि अनलाइन फारम खुल्ला गरिएको छ ।
बाल्टिमोर एसोसिएशन अफ नेपालीज् ईन अमेरिका (बाना) ले उक्त महोत्सव आयोजना गर्दै छ । सो क्रममा समावेश हुने फेसन सोमा आफ्ना वालवच्चालाई सहभागी गराउन इच्छूक अभिभावकले फारम भर्न सक्ने आयोजक पक्षले सूचना जारि गरी स्पष्ट पारेको छ । वच्चाहरुलाई सहभागी गराउन इच्छूकले उनीहरुलाई यही अक्टोबार ८ तारिखका दिन दिउसो १२ वजे बाना भवनमा अनिवार्य ल्याउन पनि अनुरोध गरिएको छ । यो क्रममा फेसन सो को पूर्व तयारी कार्यक्रम हुने छ ।
बच्चाहरूले नेपाली साँस्कृतिक पोशाक लगाएर फेसन सो प्रदर्शन गर्ने र यसबाट नेपाली सस्कृतिको जगेर्नाको लागि टेवा पुग्ने विश्वास लिइएको छ । ‘आउनुहोस्, हाम्रा बच्चाहरूलाई आनन्दित र अविस्मरणीय अनुभव दिनुहोस् र हाम्रो सांस्कृतिक सौंदर्यलाई संसारमा प्रदर्शन गरौं’ भन्ने उद्घोषका साथ आयोजकले उक्त सो मा बच्चाहरुलाई सहभागिता गराउन अभिभावकलाई आव्हान गरेका छन् ।
कार्यक्रममको तयारी तीव्र रुपमा अगाडि बढेको पनि आयोजकले जनाएका छन् ।
