पोखरा । नेपाल लोकतन्त्रवादी आदिबासी जनजाति महासंघ पोखरा महानगर कार्य समिति पोखराले कार्यसमिति बिस्तार तथा पदाधिकारी मनोनित गरेको छ ।

महानगर कार्य समिति सभापति वीरबहादुर गुरुङको सभापतित्वमा शनिबार सम्पन्न एक भेलाले पदाधिकारी चयन तथा कार्य समिति बिस्तार कार्य सम्पन्न गरेको हो ।

मनोनित पदाधिकारीहरु उपसभापतिमा निलम बाटाजु कर्माचार्य र माया गुरुङ भुजेल, सचिवमा रविन्द्र थापा भुजेल र रनशोभा गुरुङ, सहसचिवमा सम्झना भुजेल र सुरजप्रकाश भुजेल तथा कोषाध्यक्षमा विकास राना मगर रहेका छन् ।

सदस्यहरुमा रुप राना मगर, रामबहादुर गुरुङ र कुशल जिसी रहेका छन् ।

पदाधिकारी मनोनित कार्यक्रममा बोल्दै नेपाल लोकतन्त्रवादी आदिबासी जनजाति महासंघ कास्कीका सभापति आशबहादुर गुरुङले आदिबासी जनजातिको अधिकार स्थापित गर्न र हरेक क्षेत्रमा समान सहभागिताका लागि राजनीतिक चेतको आवश्यकता औल्याए । ‘विगतमा जस्तो गैर आदिबासी जनजातिलाई गाली गरेर अबको हाम्रो यात्रा चल्दैन, हरेक क्षेत्रमा समान सहभागिता र समान प्रतिनिधित्वका लागि हामी आफै जागरुक र सशक्त हुन पर्छ’ सभापति गुरुङले भने ।

जिल्ला उपसभापतिद्धय तोत्रमान गुरुङ र चन्द्रप्रकाश थापा मगर, सल्लाहकार खम्बासिंह गुरुङको विशेष उपस्थिति रहेको कार्यक्रमको संचालन जिल्ला सचिव रीता गुरुङले गरेकी थिईन् ।